Vaurawng riantuantu kan pale hna khi,Thantlang Peng minung deuh lawng te an si hna.

CNF/A & Vaurawng—Zunthil
Tutan cu ramkhel kong biatak nawn in ka hun thai ve tuah hnik lai!!

CNF/A le Vaurawng-Zunthil zuamcawh ternak le a ho te sumh dah a lian deuh ti va tahnak phun hna in careltu nih nan rak ruah sual lo ding a si lai.

Tulio kan dohthlennak ah kan I bochan ngaimi hna le Chinmi zong a kan funtom kho ngai tiah kan ruahmi hna Vaurawng riantuantu kan pale hna khi,Thantlang Peng minung deuh lawng te an si hna.

Mah hna khi tutan kan dohthlennak ah,a lamkip ah chawva lei in thawn kan hau tiah a policies aa khatmi viar kha an tho I a cawlcang ttimi khi an si hna,a tuah cun kan dohthlennak caah a kenkip in kan herhmi a kan pechaan khotu hna le kan I bochan bikmi ah an hun cang.

An rak I thok/ot kaa lio ahkhan Chin miphun huap khawh deuhnak ah tiin Myone le Pengtlang kan Unau dang hna zong,sawm ta tuah hna usih tiah meeting phunphai hna rak hrilh hmasa tuah hna sehlaw,mah tluk tiang hi an phan lai ka zum lo.

Cucaah hriamnam dohthlennak tuah cu,Political party hna va ser le Khrifabu hna va dirh bantuk a si lo caah,kanmah he policy aa khatmi phu he khan,pical ngai in kal khawh ti kha biapi deuh in kan nor awk a si,heh tiah vaa sawm va auhkhuan len hmasa a hau lo.

Kanmah he policies aa khatmi phu he kan kal ti hmasa lai,mah kan phu kha a tu Vaurawng bantuk phun hin midang nih an herh can ah a bawmchaan khotu phu ah kan I ser chuah lai.

Cu tikah,kanmah nih midang kha heh tiah va auhkhuan len le va sawm len an herh lai lo,kanmah sinah fawi tein an hung I fonh ko hna lai ti khi tulio kan dohthlennak ah kei ka policy cu a si.

Hriamnam in dohthlennak tuah lio ah policies aa khatmi phu an va I komh kha midang kan va huat hna le kan va rem hna lo ruangah a si hrim lai lo, kumpi kum 2 deng kan kal cang ko caah kan sining hi thuh le nawh len a hau in ka ruat ti lo.Crd-Salai Tial Thawng

Be the first to comment

Leave a Reply

Your email address will not be published.


*