USA senthang miphun nih thih dar kan tum.

USA Florida, Jacksonville i khua a sa mi, sakta kan u nau pu tha nawl lian , chit maung nih ruahlo pi in 11/10/ 2022 ah hi vawlei nunnak in a kan liam tak ti thawng kan theih.

Amah hi chungkhar he khua sa mi a si, fa nu pa 3 le fa pa 1 he khua sa an si. A fa pa hniang hi kum 4 te long a sirih tiah kan theih. A tu bantuk in thihloh nak nan  ton mi cung ah kan ngeih a chia tuk hringhran. A tan tak mi a chungkhar le sahlawh cingla ,rualchan, khuami vialte hna nan ngeihchiat nak vial te cu SOUSA nih  kan in hrawm pi ve hna.

Nan ton mi thih loh nak nih a chuahpi mi ngeihchiat nak le mitthli tlaknak vial cu a rohhlan ah kan biak mi kan pathian tu nih In hmen ko hna seh ti in thla kan in cam piak hna.SOUSA Secretary  Siang Hnin Thang

A hodah a molh deuh? Khua pakhat ah kanan a thiamtuk mi a um i siangpahrang pa hmanh nih a auh i ruahnak a haltawn mi a si. Nikhat cu khuabawi nih a inn ah a rak ra i,” Nang cu kanan a thiam tiah na min a thang ngai nain na fapa cu sui le ngun a man a fak deuh mi hmanh a hngal lo a molh ning cu a mak ko,” a rak ti. A hnu zong cu khua upa hna hmai ah a chim lengmang caah kanan thiampa cu a ning a zak ngaingai. Cucaah a fa pa cu bia a hal, “ka fa sui maw a man fak deuh ngun dah?”

a ti. A fapa nih, “ Sui tah,” a ti. Apa nih, “Zeicadah khuabawi pa nih sui le ngun a manfak deuh mi a hngal lo an ti ka ning a zak tuk cu teh,”a ti. A fapa nih, “Aw a si maw, a ruang kan chim lai,zingka sianginn ka kai pah ah khuabawipa nih a kut in sui phaisa pia le ngun phaisa pia a put i a man tam deuh mi i lak a kan ti caah ngun hi ka lak tawn. Cu tikah khuabawi pa le a hawi le cu an nih a chuak tuk i an ni tawn, ” a ti.

Cun apa nih, “Ziah Sui a man fak deuh ti na hngalh ko nain ngun cu na lak,” a ti. Apa cu ihnak khan ah a kal pi cun ihkhun tang thingkuang a hunpiak tik ah ngun tangka 100 leng kha a hmuhter. Cun a thawh i, “A nikhatnak ah khan sui rak i lak ning law khuabawipa nih ngun phaisa hi a ka pek ti tung lai lo,” a ti. Khuaruat kho tatak pawl hi mimolh bantuk in an i umter theu.

Mi kha mimolh tiah a ruat tu hi hlen an fawi deuh. Crd. Sarpaymyohtaw, August 14, 2022
Bawipa ṭih hi hngalhnak hramthawknak a si;Sihmanhsehlaw mihrut nih cun fimnak le cawnpiaknak kha zei ah an rel lo. (Phungt. 1:7)Mah Azi

Be the first to comment

Leave a Reply

Your email address will not be published.


*