US ram stalking/stalkers kong tawite

US ummi Laimi (Chinmi) a tamdeuh le Kawlram ummi le ramdang ummi nih cun US ram i stalking/stalkers pawl konghi a thei lomi nan tam deuh men lai. Stalking hi US cozah nih (crime) ah a ruahmi a si. Kum 5 in kum 14 tiang thongthlak khawh an si.

Mah stalkers pawl hi micheu khat nih an hlang hna i midang cungah tthat lonak tampi an tuah. Misual mithalo an si. Keizong mah konghi Google ah ka rel ve. Mithiam le mile taktak le computer internet ti bantuk an thiam tuk fawn. Minung a phun2 kha an hman chin hna i mah ti cun mi pakhat cungah tthat lonak a phun2 an tuah. Mah pawl hi mifim mithiam zong an hlen khawh hna. Lih le hrokhrawl in bia an chimmi zong a tampi. A hlangtu pawl duhning in rian an ttuanpiak tawn hna.

Mi pakhat cungah khan a phun2 in lungtuainak an tuah. Email tampi kuat an hmang a herh bak lomi. Cun phone in call an hmang i hlennak bia lawngte chim le tuah an hmang fawn. A caan ahcun mah stalker pawl nihhin pastor silole priest ka si an i ti lai an lih in. Stalking hi a phun2 in a um ve. An thla-hlawh hmuhmi zong a dang cio. Stalkers pawl hi tazacuai hna ahcun dollar $ 250,000 tiang an liam khawh fawn, thongthlak pin ah.

Keizong mithalo ka ton ka ti tawnmi kha ka tuak tik ah mah stalkers pawl hi an si ti a fiang ngai. Stalkers pawl le a hlangtu pawl cu thuh khawh chung in an i thup lai. Mah stalking le social punishment hi a khat ngaimi an si. Khrihfa caah cun stalking le social punishment cu khuachia riantuannak bantuk an si. Pathian duh lomi lawngte an tuah lai. Vawlei cozah le palik hmanh nih criminal act ah a ruahmi a si.

A dang tampi tial ding a um nan mah vial hin za rih seh. US Laimi (Chinmi) lak ah teh stalker hlang hmangmi cu kan um ve sual maw? US ram ahhin kumtin minung million tampi nih mah tthat lonak (stalking) hi an ton/an tuar. Bible chung i a ummi stalking phun cu siangpahrang Saul nih siangpahrang David cu thah ding in a dawi lengmangmi bantuk kha a si. Asinan stalking cheukhat ahcun thah ding tiangtiang cu a tel lomi a um ve.Crd-Van Tum

Be the first to comment

Leave a Reply

Your email address will not be published.


*