Tuchun ah US Treasury Department nih US leiba ngeihmi data a chuahpi i, US nih kan ngeihmi leiba dihlak cu $31 trillion a phan. Joe Biden nih President a tuan kum 2 a tlin hlan ah US leiba $3 trillion a chap. Biden nih US president tuan a thawk ka ah US leiba cu $27.7 trillion lawng a si. Hi hnu kum 2 a tuan rih lai caah leiba seikurang khat chia ta dawh kan si.
US President lak ah leiba tambik a ngeimi cu Obama a si. Obama President a tuan thawk ah US leiba cu 10.6 trillion a si, a term a dih tik ah 19.9 trillion a phan. President a tuan chungah $9 trillion tluk a chap tinak a si.
US, Iraq le Afghanistan ral an thawh lio President Bush chan ah US leiba $5.85 trillion a chap. Asinain Obama chan ahcun US nih ral a tu lo nain US leiba cu van a tawng.Crd-Salai Lairamthang
Nal Profet Harnak Chuahpitu.
Matthai 7:15 “Nak Profet kha i ralring hna u, Nan sin an rat ahcun tuu bantukin an i umter, sihmanhsehlaw an chunglei cu cenghngai hang an si.
Ralrin Awk a herh mi ralrin chimh hi dawt taktak a si. Ralrin herhmi theih loruang ah harnak chungah an phan tawn. Tuzing ka relmi hi Jesuh nih a kan chimhmi ralrin Awk a si. Abiapi taktak.
Cathiang kan rel tikah Nal Profet Kong kan hmuhmi a um. 1Siangpahrang 22 kan rel tikah Mikaiah nih Nal profet an chuahning kong a chim. Ahab le Jehoshafat nih raltuk an kalnak lai a hodah a lem lai, tiah Bawipa nih a ti. thlarau Pakhat nih Keimah nih ka va lem lai. A Profet hna kaa chung ah nal thlarau ka va si lai a ti. A lem khawh tak. Ahab cu Ral tuknak ah a thi. Nal thlarau nih kan duhning in a kan lem ttheo.
Nal Profet hi tuu bantuk in an ra tawn. Kan rawknak ding ahhin kanmah duhnak a kan tuahpiaktu hna an si tawn. Riantuan mi hna hi an rian bawmtu hna hi an pelhherh ah an cang tawn.
Jesuh nih a chimmi hi Khrihfabu chung Zumtu hna lak ah an um lai ti a si. Nan sin ah rat tikah Cun tuu bantuk in an i umter a ti. Nan sin an rat tik ti a si caah hin Khrihfabu chung ah ti a sawh ve. Khrihfabu tuanbia ah siseh, Baibal Thiang chung hrimhrim ah Nal profet an chuak ti hi hmuh khawh a si.
Nun zia zohawk tthami hruaitu hi a herhmi a si. Nun zia cu tuahsernak theipar a si. Jesuh nih an theipar in Nan theih khawh lai a ti.
Nal profet cu an chunglei ah cenghngia bantuk an si. Cenghngai le Kalauk tuanbia kha Lung ah a chuak. Midum ah an lut. Cenghngia cu a khim in a bao. Angeitu nih an ra i kalauk cu fung in an tuk. Harnak chung ah cenghngia nih a luhpi.
Nal Profet hna chimmi cu Ahab le Jehoshaphat caah rawhnak lam a si. Nal profet hna le tuu phaw aihmi Pathian riantuan tu nih Khrihfabu mui kan chiatter ko. Khrih sunparnak pek siloin Khrih voihnih thih huah ter tu kan si.Bil Hmung
Leave a Reply