US nih a voihnihnak Hypersonic Hriamzuang (Hypersonic Missile) hneksaknak an tuah

US nih a voihnihnak Hypersonic Hriamzuang (Hypersonic Missile) tluang tein hneksaknak kan tuah khawh tiah uanthar ngai in an thanh. Hi an rak hneksaknak hi March thla ah khan a rak si cang nain Russia he hnahnawhnak a chuak chin sual lai ti phan ah an rak chim lo.

March 19 lio ah Ukrain nih vawlei tang ah an chiahmi hriamnam cu Hypersonic missile hmang in kan hrawh khawh tiah Russia nih an rak langhter. Russia nih mah bantuk hriamnam a vun hman tikah NATO ram pawl caah thinphang chinchin asi.
Hi a voihhnihnak hneksakmi hi Lockheed Martin nih a voihkhatnak an serchuahmi HAWC (Hypersonic Air-breathing Weapon Concept) timi asi. A voikhatnak an rak hneksak balmi cu Raytheon serchuahmi HAWC a rak si i kan hnu kum September thla ah an hneksak.

Hypersonic hriamzuang hi zeiruangdah tih a nun khun le hriamzuang (missile) dang he aa khah lo ti-ah cun rang tuk in a zuan khawh tikah zeibantuk hriam khamnak (missile defense system) zong nih a kham manh lo ti asi. Cun hriamzuang dang nak in niam deuh in a zuan khawh caah radar zong nih a tlai kho lo ti si. Crd-Ceumi Lian Cherchan: Fox News, CNN

Be the first to comment

Leave a Reply

Your email address will not be published.


*