US i ar zuatnak a tuahmi Zingthanu nih ar zuat a harnak le a miak lo tuk ning a vun chim i tampi nan lau tuk cio men lai.

US i ar zuatnak a tuahmi Zingthanu nih ar zuat a harnak le a miak lo tuk ning a vun chim i tampi nan lau tuk cio men lai. A chimmi khi a dik mi zong asi kho ko, nain a chimmi lakah ruah awk ngai pakhat cu a um ve.

Ar zuat a miak lo tuk ti a theih ko buin ar inn 12 tiang bak a cawk cang. Zaran cu pakhat cawk hmanh an i harh tuk, dollar million man a si caah. A miak lo ahcun dollar million tampi dih in ar inn 12 tiang a cawk chap duh hnga maw? Zeiruang dah a zuar ko hnga lo, a cawk chap len ko hnga? Cawk a duhmi Laimi lila an tor ko tung.

A cawk hmasa lio ah cun pakhat lawng a cawk ve ko lai, kum 10 leng chung ah 12 tiang an cawk kho cang i kum khat ah ar inn pakhat an cawk chap lengmang tinak khi a si hnga.

Ar inn pakhat cawk ah dollar in down payment zeizat pek a hau timi nan thei cio ko lai, dollar a ting in pek a hau. Ar inn 12 caah down payment an pekmi khi tuak ahcun 1 million leng a si hnga. Cu down payment phaisa cu bank ah cawimi a si lai lo, anmah pumpak phaisa deuh asi lai.

Caw 40 leng, ngal 50 leng, meheh 50 leng an zuat rih. A chimmi vialte thuk deuh in tuak ahcun kum 10 leng ar an zuat nak ah millionaire an i chuah cang timi khi hmuh khawh a si, Zingthanu a hmurka in cun a chuak lo nain.Crd-Salai Lungthli Tum

Europe lei paih thawng an timi pawl khi ka zoh hna i thazaang thawn nakin dawh an uar deuh in ka hmuh. Ka uar pahmi nungak tete an ka chuh a tlawm ti lo caah ka rem pah ziar hna lo.

US pathawng Lal Rem Ruat nih tutan EUPC paih ah zohchia nawn in rak tengh dih ta ko hna sehlaw ka hei i lawm ngai lai. Cutikah, an ningzak pah te lai i fashion kal tak deuh in paih thawn an i zuam thawk nak zong si te hram ko seh.Crd-Salai Lungthli Tum

Be the first to comment

Leave a Reply

Your email address will not be published.


*