US ah ka um nak kum 3 deng chung ah thil puan le a man pawl ka hun theih thluahmah hna

-AIDII Natural Dyed RTW Collection 2023 -US ah ka um nak kum 3 deng chung ah thil puan le a man pawl ka hun theih thluahmah hna i US um mi mino tampi, a bik in kawlram, laitlang lei he pehtlaihnak a ngei kho tuk lo mi caah hin ka lung a that lo ngai mi thil tete an um.

Cucu laithil, kawlthil an cawk tik ah an pek mi a man le an thil quality aa thlau ngai tawn mi hi a si. Thil man he aa tlak mi quality tha mi thil zong an um ko. A poinak cu thim ding a tlawm tuk.

AIDII nih ready to wear collection pawl hi 2017 in kan rak thawk cang. A huap in phun 3 kan chuah.

Polyester la in thawitenh mi thilthan le a dang a leng kawl nih thiamsin in an tah mi plain thilthan cawh in thit mi thil. Polyester la in thawi tenh lo in thiamsin tah mi thilLa kung in ttawh mi kokek la bak te he tah in thit mi thil pawl

2021 hlan tiang cu kan RTW thil hi kawlram mino ca deuh ah rak chuah a si. Cu caah kan thil design hi kawlram le Asian mino trend deuh in kan rak kal. A sinain 2021 hnu in MAL ruang ah a hramthawk i kan tak itimh bang in kawlram mino caah ti in thil kan chuah kho ti lo. A ruang tampi a um. Cu lak ah a tang hna hi a ruang bik an si.

Covid in rak khar mi small garment pawl MAL aa peh caah an ong kho than ti hna lo i man fawi te in thil aa tthi kho ti lo.

Covid in Lockdown a si dawr len kai a ngah ti lo caah Company pathum kan ikomh i kan rak i hlan mi office/showroom kan khar Ram boruak ruang ah tangka thlen aa thlau tuk i ramdang le kawlram chung a man kha buaktlak in tuak khawh a si ti lo

Cu caah kan thil pawl i target market hi caankarlak caah cun ramdang um ca deuh ah kan thlen. Cutin kan thlen ruang ah boruak lak ah nihin tiang kan dir khawhnak a si. Kawlram lei in thil cawk a kan duh mi nan hman kan in khap bak hna lo. A rauhhlan ah kawlram chung zong ah man fawi in cawk khawh ding in kan izuam cuahmah ko.

Tutan kan thil chuah mi pawl hi A man a kan hal mi (US um) paoh an khuaruah a har. An ruah leng in a fawi caah a si. “Good quality with good price” ti mi concept le theme in chuah mi an si. Thim ding a tam ding, a man a fawi ding, thil a that ding kha kan itimh mi an si caah thil design zong a phun tampi in kan chuah.

Tutan Natural Dyed Collection (Kokek thingphaw/hnah he labuh) hi Kawlrawn ah lakung in an ttawh i an chuah mi la kha kan cah i hnaring ah kan kuat. Hnaring kan Aidii thiamtak la buh thiam hna nih lai kokek thingphaw thinghnah hman in la cu an buh i kengawh in an tah.

Kawlram in Hnaring, Hnaring in Hakha, Hakha in Rangon, Rangon in Bagan ah kan kuat i Bagan i a um mi kawl thiamtak hna nih kawlram chuak natural cotton (la kung in ttawh mi la) hman in tah mi thilthan pawl he pehtonh in Stallion Goddess local brand designer nih a thit hnu ah Rangon ah an kan kuat than i US tiang a rak phanhnak a si.

Marketing caah hmanthlak ding ah aa tlak tuk lai tiah kanruah mi Artist Nay Myo Say nih nai te Rangon ah a on thar mi Maw Yon Cafe ah hmanthlaknak nawl ka hal. Commercial caah kan sianh hna lo nangmah na si caah kan sianh a ka ti a man lak lo te in a kan thlak ter. Kan riantuannak tha a ka pek caah a si. A cung ah ka lawm tuk. Hmanthlatu hi Mandalay ah a um mi a si. Model hi Mindat kan naunu te a si.

Hi vialte caah a dihheu mi le Lam i a khualtlawn caan le a kuatman pawl lawng hmanh in tamngai a phu cang. A quality zong kokek in serchuah mi lawngte a si caah premium mi quality in a si. A man kan khiah tik ah Mino hna caah timhtuah mi a si bik caah fawizaang in cawk khawh ding in kan khiah piak hna.

Kan in zawnruahnak hna le kan i zuamnak hna hi thil nan hmuh tik ah a tak in nan teh hrimhrim ko lai tiah zumhnak ka ngei.
-AIDII