UPC nih zeidah kan zumh

1. Vailamcung ah tlanh/khamh kan si (John 19:30 “Aa lim cang”)
2. Vel in khamh kan si (Efesa 2:5 “Khamh nan sinak cu Pathian vel thawngin a si”)

3. Zumhnak in khamh kan si (Efesa 2:8 “Khamhnak nan hmuh cu amah nan zumhnak thawngin a si”).

4. Hrinthannak in khamh kan si (John 3:5 “Ahohmanh ti le thlarau in hrin a si lo ahcun Vancung Pennak chungah a lut kho lai lo”)

UPC nih zeidah kan zumh.A cunglei kan langhtermi pali hi kan zumh dih, kan pom dih, kan cohlang dih, kan dirhpi dih, pakhat hmanh kan hlonh lo. Zeicatiah Baibal cawnpiak nak a si caah. Asinain hi pali lakah pakhat lawngin khamhnak tlam a tling lo. Vel, zumhnak le hrinthan nak tel loin vailamcung Khrih thihnak in khamhnak cu a tling kho lo bantukin vailamcung Khrih thihnak tel loin zumhnak, hrinthannak le velngeinak zong an um kho fawn lo. An dihlak hi misual khamh kan sinak caah Pathian riantuannak an si dih.

Jesuh Khrih nih vailam cungah “aa lim cang” a ti caah a dang pathum hi a herh ti lo tinak a si maw? Si naisai hlah.

A si ahcun zeitindah a si kun ne? A vel thawngin mi vialte (zumtu+ zumlotu) cu vailamcung ah tlanh kan si. Khrih nih kan caah tlanh man (sual man) a pek dih cang caah kanmah nih pek dingmi leiba kan ngei ti lo, Khrih nih a pek kha aa lim dih cang. Cu tlanhnak (Khrih cu ka caah a thi) a cohlangmi paoh nih an zumh i an caah a thimi Jesuh a zumtu vialte nih amah min in tipil an si i Thiang Thlarau an co tikah Pathian fa tak, rocotu ah an cang.

Pathian fa tak, Rocotu kan sinak cu ti le thlarau in hrinthannak thawngin a si i ti le thlarau in hrinthannak cu vailamcung ah misual tlanhnak caah a thimi Jesuh Khrih kan zumhnak thawngin a si. Jesuh Khrih vailam cung thihnak cu misual a kan dawt tuknak a vel thawngin a si.

Cucu misual khamh kan sinak, Pathian riantuannak, zumhtu vialte nih kan dirhpimi Baibal cawnpiak nak cu a si.Crd-Biak Mawng