UPC khawmpi ah capo saihthiam cu pulpit cungah capo an saihter cu kan i cawn ve awk a si maw?

Zeitin dah nan ruah cio ning le nan hmuh cio ning a si van comment khawh si. Mizoram, UPC khawmpi ah Mizoram capo saihthiam, Lal Joel-a cu pumhnak bak ah capo an saihter huar ko. Lal Joel-a hi Mizoram i capo saih zuamnak “Comedian Search” ah a zuam belmi a si ve. A thiam bak hi.

Phungchimtu nih capo tlawmpal a telh ahcun a zia deuh. Mah silo i capo saih lawng a rianmi hna khawmpi pumhnak bak i capo saihter cu mah zawn ahcun UPC pawl hi an liberal pahmi hna a lo e. Tthenkhat Khrihfa buu nih cun an duh men lai lo. Mah ruangah a conservative ngaimi Khrihfa pawl zonghi a zei maw can ahcun an rak liberal nakte a um lengmang ve ko kha theih a hau.

Asinan micheu khat nih cun a poi lem lo e a ttha tuk ko si mi nuamhter cu a timi zong an tampi ve ko lai. Sual a si lo pi, a poi lo a timi an um ve ko lai. Asinan cuti rualrual in pulpit cung i pumh lio i capo saih cu a dawh lo, a si kho bak lo, Pathian pulpit ttihzah lo le upat lo a si a timi zong an tor ve ko lai. Sermon (thawngttha chim) i capo tamtuk telh a duh lo le a uar lomi zong an tampi ve hoi.

UPC khawmpi ah capo saihthiam cu pulpit cungah capo an saihter cu kan i cawn ve awk a si maw? Thlarau caah teh tthat hnemnak a nei lai maw? Khrihfa cawnpiaknak le pumhnak caan caah teh tthat lonak a chuah pitu a si sual lai maw? Pathian thangtthatnak caan hmangmi hna a filter tuk sual lai maw? Mah pawl zonghi ruah cu a hau ve.Crd-Van Tum

Be the first to comment

Leave a Reply

Your email address will not be published.


*