UN online registration tuah nak caah a hohmanh phaisa pek an hau lo.

UN online registration tuah nak caah a hohmanh phaisa pek an hau lo. Cheukhat register kan thiam lo ruangah phaisa liam in mi a tuah ter mi kan um.

Cu ve bangin cheukhat nih vanthat ah tiah mah online register tuah piak ah Rm 100 tbk an lak mi hna a um.. A bik in community he tha tti in peh tlaihnak a ngei lomi nih hi bantuk hi an ton khun..

Kan community zung cio ah tuah ter khawh an si. Kawlca in tuah a thiam lomi tuah piak a ngah tbk an phorzar mi a um pah lengmang. Kha bantuk kha scam pakhat a si.

Cucaah community tha tein kan ngeih ko caah thil fiang deuh in theih kan duh a si ah cun kan community ah rian ttuan tu hna sinah ruahnak hal hi a tha bik. Cun mirang ca a rel thiam mi kan si cun, UNHCR website ah updates an tuah mi tete rel khawh peng a si.

Facebook tuktek ah bia vaivuan le source a hman lomi in an tial mi tuktek ah kan lung buai lo ding le hlen kan tong lo ding kha a biapi.Crd.Zing Dawt Thai Thang

A Dawtnak Cu Zungzal In A Hmun.Chanlai lioah Pathian mi pakhat cu khual a tlawng. A ngeihmi dihlak hi, cazual, phazawngdaing, le Arkhong a si. Cazual rel a huam ngaingaimi a si, phazawngdaing aa vanh i casual a rel tawn, zingah arkhong nih a thawh. Voikhat cu mui laite ah khuahme nawn te pakhat a phan i inn khat hnu inn khat tlun in a hal hna nain hohmanh nih an sianh lo. “Bawupa cu a ṭha i a dawtnak cu zungzal a hmun”a ti.

Cun a kal i thingbur dornak a ṭha ngaimi thli a phanh kho ding a hmuh, a lungchung in Pathian a thangṭhat, cun hmun a ser i phazawngdaing a van cazual cu a rel. Hmakhat te ah thli a hrang i a mei a mit. Mipa nih, “Bawipa cu a ṭha i a dawtnak cu zungzal in a hmunh”a ti. Cun ih a van i timh ah a arkhong cu sahngar nih a hun seh. Pathian mi nih ngaihchia ngai in, “Bawipa cu a ṭha i a dawtnak cu zungzal in a hmunh”a ti ṭhan. A thaizing zingka te in a cazual cu a put i acohlang lo mi hna khua ah a kal ṭhan, cu hna khua cu mifir nih an rak luhhnawh hna i a cheu an thah hna, an in an khanghpiak hna kha ṭihnung ngai in a va hmuh.

Pathian mi nih a hun hngalh ṭhan mi cu; mah khua khan tluninn ka on hna sehlaw ka thi ve hnga, ka mei le ka arkhong kha rak um hna seh law mifir nih an ka thah ve hnga hi teh a ti. Pathian mi nih “Bawipa cu a ṭha i a dawtnak cu zungzal in a hmunh” a ti ṭhan, cun chun ah a cazual cu a kau i a rel, Pathian a thangṭhat. Crd: Roy B. Zuck: The Speaker’s Qoute Book.

Bawipa cu a ṭhat i a dawtnak cu zungzal in a hmunh caah lawm tuah u! Israel mi nih,“A dawtnak cu zungzal ina hmun,” ti hna seh (Ps. 118:1-2).Mah Azi