U Za Peng le an nu Matupi khua cu, an dum kal lio ah bom an i lamh caah Pu Za Peng hi ahmun ah thi,an nu hi a kee ah hliamtuar tiah kan theih

29 Nov ah U Za Peng le an nu Matupi khua cu, an dum kal lio ah bom an i lamh caah Pu Za Peng hi ahmun ah thi,an nu hi a kee ah hliamtuar tiah kan theih.

A min hi ဦး ယာပိန်း tiah kawlca in an tial i, Pu Za Peng tiah ka leh.Crd-salai William HC

Thlacam pa John Sung(1901-44) Khrihfa nun ah thlacamnak hi a biapi bik pakhat a si. John Sung hi Tuluk ram mi Methodist pastor fa a si kum 9 a si in aa hrinthan cang. Mifim cathiam a si, American missionary nu bawmhnak in Ohio State University ah ca a cawng (Ph.D) tiang a hmu. Cathiam mithang a si caah Harvard telh in minthang sianginn in cachimtu ah an sawm.

Sihmanhsehlaw Union Theological Seminary ah Bible ca a cawngṭhan. Calvary Baptist Church aa pumh lio ah thawngṭha chim an sawmmi a rat khawh lo caah kum 15 nute Uldine Utley phung a chimmi a ngaih tikah a thinlung a suk tuk i zanli a vaa nolh, cu hnu in a nun a dihumnak in aa thleng, sianginn ah thangpi in hla a sak tawn caah a hrutcang tiah an ruah i mihrut sizungah an chiah.

Caanṭha ah aa lak i thla a cam thongchung ummi thawngṭha a chimh hna Bible kha voi 40 tluk a rel manh. Kum 1927 Tuluk taan a mat bawmhnak in a chuak. Tuluk ram ah a kir i sianginn ṭhaṭha nih cachim dingah an sawm nain Bethel Mission timi he bawm in thawngṭha a chim.

 

Thlaruk tluk a rauh ah minung 14000 an i thleng.John Sung cu thla a camtukmi a si i thlacam ding in mi a cawnpiak lengmangmi zong a si. Zingka ah suimilam 5 in a tho suimilam 2 or 3 chung thla a cam, ralkap pakhat bantuk in thlahripi pot in thla a cam. A caancaan ah amah lawng mithli thla in nguingui thlak in a ṭap ṭheu.

 

Amah kum 43 ah anunnak a liam cang nain Pathian nih a rianṭuannak thlua a chuah caah nihin tiang Tuluk ram i inntek missionary tiah a min chim a dai lo, upat an pekmi a si.Crd: Kai Hau Lian Pau, Legends of the Church: Monumental Figures of Christian Missions 2020. Mitthli he thlaici a tuhmi nih, lunglawmh aunak he an zun lai; Ṭah buin thlaici aa phorhmi hna nih lunglawmhnak hlasa le facang phal i put in an ra kir lai! (Ps. 126:5-6)Mah Azi

Be the first to comment

Leave a Reply

Your email address will not be published.


*