U.S. caankarlak thimfung thlak fatin Innrangpi athumi party phu poh an sung theu ti asi.

2022, U.S. Midterm Election Boruak U.S. ah cun kum 2 danah caankarlak thimfung thlak peng asi. Kum 4 danah President thimpeng asi ve. House belte cu kum 2 long an term asi i, Senate belte cu Term khat hi kum 6 asi. Tutan zong Senate ah thutdan hmun 35 ah thimfung an thlak. Cun, U.S. Senate cu phuthum in then an si i, cheuthum ah cheukhat 1/3 kha kum 2 dan ah thim an si theu. Phundang cun 100 ah 34 or 33 or 32 kha thar an lut, an chuak than peng tinak.

Cun, aphu 1nak hi 2020 ah atlingmi an si. A phu 2nk hi 2018 ah arak tlingmi an si i, aphu 3nk hi 2016 ah arak tlingmi ansi. Cu Aphu thumnak thutdan pawl cu tutan ah thimthan ahaumi an si. Aphu 3nk thutdan hi atak cun 34 long asi nain Senator Inhofe (R-Oklahoma) hi aphu 2nk asi nain arian adinhtak hnik caah tutan amah thuthmun hi thimchih asi i, azapi thutdan 35 a si than nak asi.

2024, General election tik khin cun atu lio aphu 2nk thuthmun vialte khi thim than an vasi ve te hnga. Tutan 35 chung hin D in 14 le R in 21 an si. D in cun hi hmun 14 chung hin 2020 lio Trump nih arak teinak pawl kha an izuam lemlo nain R in Trump arak sunghnak PA, hi biatak tein an izuam ve. R in Sen. Pat Toomey nih thimnak alut than hniklo caah asi. Culong silo, R in minung 5 (incumbent Senator) thimnak lutthan loin retire an itim i, D cun 1 long asi. Lawlawse cu D hi 34+ 2 Independent ansi anzapi 36 le R hi 29 an si cang. Ka tial lio hin R cun 3 hrong an tling cang ti asi i 30+ an si cang tinak. Cucaah atu lio Senate thimnak hin D nih 14 ning an lak kho than lai maw? R nih dah 22 an lak than te lai ti cu i ngaih um ngaiko.

U.S. caankarlak thimfung thlak fatin Innrangpi athumi party phu poh an sung theu ti asi. Tutan 2022 zong an sungh rih ko lai ti hi zapi nih cuanh cio asi. Cucu U.S. ah nawlngeihnak ithencheu timi phung bantuk check and balanced aherhnak cu asi. Tulio hrim cu nawlngeihnak vialte Democratic nih an huai dih tikah Senate ah Republican nih hmunhma an hun laktthan zong ah thilthar asi lailo, U.S. ramkhel kalningkel asiko lai.

D nih an control kho than asile Pres. campaign ah a aupimi “ Truth, Fact, Logic and Decency “ atimi hi mipi thinlung ah hmunhma alak ko tinak asi hnga.

Khat lei ah R nih vun uk than hna sehlaw Senate Majority leader caah Mitch McConnell hi an thim than te hnga maw? anmah chung lila in Sen. Josh Hawley nih cun fiangko in “ka duh lo” tiah ati cang sikaw, a thlihran zoh dawh ngai te dawh an siko.

Lungrawk ngai asimi belte cu 2020 thimnak phichuak arak cohlang lomi tamtuk te tutan thimnak ah an itel i, cu chinchap ah President Trump nih endorsed atuahmi an tam ngaite fawn i, 300 lenglo an si ti asi. Cu nih alanghtermi cu “Democracy is at Stake” an timi cu U.S. ahhin a si taktak ko lai hita ti hi asi.

Georgia ah 2020 lio bantuk runoff thimnak an tuahthan belte ah cun December thla tiang va hngak rih ahau than hoi hnga i buaithlak than kho ngai lai dah. U.S. cu President hi biapituk asi bantuk i Senate le House zong an si ve thiam. Cucaah an thimnak hi interest aphu mi asi. Hri le hran ngeilo phuacop bia le hla tu zunh thlorh in zumhlo ding..

Result tling tu hngak phot ko rih usih law..Crd-Kham Pi

Be the first to comment

Leave a Reply

Your email address will not be published.


*