Tutan sakhan laknak ah CNA ralkap Lt Aa Thang nih ram le miphun ca ah a nunnak a pek.

Breaking_News Thantlang um Palik sakhan pakhat cu Chin Ralkap hna nih an lak khawh

Nohawng 8 zaan ah Chin ramkulh Thantlang khua ah a ummi SAC kut tang um Palik sakha pakhat cu Chin ralkap hna (CNA, CDF) nih an luhhnawh i an lak, meithal zun 40 leng, Drone kahnak hna le a dang thilri zong tampi an lak khawh tiah theih a si.

Nohawng 8 zaan muika (kawlram caan) hrawng in drone in bomb an thlak hnawh cang hna i 10:00 pm hrawng ah ke in an luhhnawh hna hnu ah sakhan an lak khawh hi a si.

Tutan sakhan laknak ah CNA ralkap Lt Aa Thang nih ram le miphun ca ah a nunnak a pek.

“Keimah țhirual a simi zong dothlennak ah aa pe lomi an tamtuk ee, hi dothlennak ah kei cu ka thih zong ah a poi lo. Ram le miphun ca ah ka nunnak ka pek siang ko” (Lt Aa Thang nih a rak chimmi bia)R.I.P our Hero CCN_Channel

CDF-Zotung Le SAC Ralkap Kar Kahdohnak Ah SAC Ralkap Meithal 2 Chuh An Tong .2023, February ni 8 chun suimilam 12:00PM in zanlei suimilam 2:00PM tiang ah SAC ralkap le CDF-Zotung kar voi tampi kahdohnak a chuak. Cu kahdohnak ah cun SAC ralkap lei in a thimi an tam, tualchung hriamtlai phufonh lei hliamhma tuarnak um loin hnu kan tolh kho ṭhan tiah CDF-Zotung nih cathanh an chuah.

Kaphnih kar i kahdohnak ah SAC ralkap meithal 2 kan laak khawh tiah an cathanh chuahmi ah an langther chih.

SAC ralkap hna cu Rezua he meng 20 hrawng aa hlatnak Zotung hmunhma ah zan an riak tiah kan theih. Cucaah Zotung hmunhma chung ah kahdohnak a fak khomi a si caah mipi nih Rezua-Matupi kar khualtlawn rih lo ding in Chinland Defence Force – Zotung nih nihin February ni 8 ah cathanh an chuah.