Tutan 12 millions laimi kan caah a sunglawi lawng si lo in a tam ve hrimhrim.

12 Millions Project Phaisa Audit Tuahtu Ding Ah Mirang Kan Herh!

Khua, Khrihfabu le pumpak cio nih ngei hlei si lo in, ram le miphun caah tiin kan sian lo bu le kan nupi le kan fa le, member ca hmanh ruat lo in kan ralkap hna caah phaisa kan thawh. 12 milions reng lo pi a chuak. Lawm a rak um hringhrang (tu belte cu kan ngai a chia tthan cang.)

Cu 12 millions cu CBCUSA ah kan pek chanh i, tuanvo kan rak pek hna. “CBCUSA nih CDF committe a dirh i, hruaitu ah upa pathum an thiam hna. Cu hna nih cun tuanvo la hna sehlaw, cung lei nawl lo in, an mah nih bia an khiah khawh” tiah Rev. Za Thawng Cin nih Vaurawng zoom interview ah a chim.

“CDF supporting Committee pathum hna cu meeting tuah kan sawm lengmang hna nain an duh lo” tiah Pu Cung Thawng nih Vaurawng zoom live ah a chim ve.

Pu Tial Sang nih Global Chinland Club ah a chim tthan mi cu “Kan hruaitu pathum hna kan thimmi hna kan vanchiat taktak a si. Rollin Van Bik hoi hna hi cu, CNF a rem lo i, a dohkalh mi a si” a ti. A nolh rih mi cu, “Chinland Club nih meeting tuah kan sawm lengmang hna nain an duh lo. CDF upa te he cun meeting an tuah lengmang” a ti.

A cung lei tette ka tial cang mi zoh tik ah mah hi 12 millions phaisa hi a donghnak ah a tlau si lo in a hram kal ning ah tlau sa in a kal tiah ti khawh a si. Zei caah tiah hruaitu pathum lawng nih hi phaisa kong hi an thei khawh tinak a si hnga.

1. 

Official ning te in ca thanh a um rih lo nain, Rev. Dr. Charles Ronald nunuk a chimmi ah cun, “Phaisa a tam uh i Erope bank ah um dawh a si. [reframed].”

Tutan 12 millions laimi kan caah a sunglawi lawng si lo in a tam ve hrimhrim. A si nain official in thawng an thanh hlan, minung sinak in a tlau ko lai tiah ruah a si. A sinain Rev. Za Thawng Cin le Rev. Dr. Charles nih “audit an tuah te lai tiah an chim.”

Cu caah Mipi nih kan duhmi cu Audit a tuahtu ding ah, a dingfelmi mirang kan hlan piak hna uh. Accountant a thiam bak mi le a ralttha mi nih audit kan tuah piak hna seh. Cun Europe bank i an phaisa hi a um taktak ko a si ah cun a umnak sullam “Information statement” kan herh. Mipi hmai ah chuah pi hna seh.

Cun Audit tuah tik ah detail deuh in tuah sisehlaw mipi kan lungtling lai. USA ah cun receipt a um viar ko caah receipt zong an chiah ko lai tiah zumhnak kan ngei. Mizoram an tlawngnak belte cu ngaithiam si te ko hna seh, receipt pek an i harh ve caah.

Cu caah hi vialte phaisa hi an fir taktak ko a si ah cun hal tthan hna usih law, an riantuannak le pastor sinak in hloh hna usih.

A donghnak ah a ttha cemmi audit information kan herh.Share in van ka bom ta ve uh law tiah Jesuh min kan nawl hna.Crd.Dr. Professional News Breaker