Syria he aa tonnak Turkey ramri ah a tha fakmi lihninhnak a chuah ruang ah nunnak liammi dihlak hi nihin February ni 8, zanlei suimilam 3:00PM tiang ah 9000 leng tiang an phan cang tiah theih a si.
Lihninhnak ruang ah Turkey ah minung 6234 tiang an nunnak a liam cang tiah kokek harnak pawngkam zohkhanhtu Agency nih a thanh. Syria ah cun nunnak liammi hna hi fehter ding ah a har nain minung 2500 leng cu an nunnak a liam cang tiah State News Agency nih a langhter.
A nunnak liam hlan ah hrin tami nausemte zong lihninhnak ruang a chuakmi inn cimhnak lakah an chanhchuah khawh tiah theih a si.
A tha fak ngaimi lihninhnak cu Gaziantep pawng vawlei tang a thuh meng 11 zawn a lai ah chia in richter scales 7.8 a tha fakmi lihninhnak a chuah hnu suimilam zeimawzat a rauh ah 7.5 a tha fakmi lihninhnak a chuak ṭhan tiah theih a si.
Fak ngaiin lihninh a cannak Turkey le Syria caah ramkip nih bawmhnak pek ding ah leilawng (motor) lam le vanlawng tual hna an rawh caah caan a rau khun tiah theih a si.
Lihninh ruang ah harnak a tongmi, aa hrengmi hna cu rim a theimi Uico fim, drone le seh hmang in pehtlai in kawlnak le bawmhnak an tuah hna nain, khuacaan a ṭhat lo ruang ah bawmchantu hna zong an har ngai tiah theih a si.VOM
Leave a Reply