Tuni cu Kawl ralhrang rual nih uknak an laknak “Kum 2” tlin ni asi.

Tuni cu Kawl ralhrang rual nih uknak an laknak “Kum 2” tlin ni asi. Minung tamtuk an thah hna, tamlak thonginn ah an khumh hna, inn le lo tam taktak an hrawh/ an khangh, harsa takin mipi mitthli he an chiah hna, bochanmi thatha ramleng ah an dawi hna.

Hi tluk tuahsernak a chiakhami uknak le tuahernak hi, zoh sawh awk a rak thalo. Doh loin in um khawh asilo. Sehtan ral kan doh asi, a lamkip in kan doh cio hna lai, an rawk in an tla thluamah rih lai.

Atu ah; Kan Miphun ralkap an thawng chinchin CDM hnu an thul lo Kan penmi ram a kau chinchin

CDM a tuahmi vialte, hriam put in dohthlennak a tuahtu nusal tha pasaltha vialte, le a lamkip in ralhrang uknak thalo dohnak ah aa teltummi vialte upatnak kan in pek hna.

Burma rampi tuanbia siseh, Chin miphun tuanbia zongah hitluk hin kan thawng ballo. Hitluk in kan irual ballo.

Atu kan chan ah siseh, hmailei kan techin fapar tiang sal luatnak dingah ral kan doh asi. Kan ram zalennak le kanmahte in khuakhan lairel khawhnak dingah ral kan tuk asi. Kan miphun sersiamnak dingah thisen nunnak kan pek asi. Zeimaw zat pek chawnhnak cu a hau hrimhrim ko. Kan lung bel dong sawh hin hlah seh. Bawipa nih teinak a kan pek hrimhrim.God hears our prayers By-Ram Tinthei