Tuluk ser Q-5 (A-5) Bomber hi raap nih an ngeih mi jet fighter lakah a tar cem phu an si.

Vanral Tuluk ser Q-5 (A-5) Bomber hi raap nih an ngeih mi jet fighter lakah a tar cem phu an si. Hi vanlawng pawl hi Air strike a tuah tikah hin a tla sual lai tiah thin domh ngai in raap pawl nih an zoh ve mi langta tar pipi an si. Raap nih hin 2019 data ning in hibantuk vanlawng 21 hi a hman khawh ko rih (active) ti a si.

A-5 Bomber pawl hi an tar cang ca ah seh thilri tlamtlin lonak le vanlawng tar an si ruang ah an duhning in target khennak le a dang vanlawng bantukin effective ngaingai in hman khawh a si lo tiah a chunglei thil theitu hna nih an phuan. Tih tuk ding a si lo nain daithlan lo cu a tha.

Hi vanlawng pawl hi 23mm cannon automatic meithal kuan 200 an phurh khawh i, 2000kg payload bomb ai phurh khawh. Bomb 4 ai phurh khawh tinak a si hnga.

Chin ram ah a hman voikhatnak hi nihin 7 November 2022 zaanlei 1:45 pm ah Timit kahdohnak ah a hman i Bomb voi-4 tiang a thlak ti a si. Tada-U vanlawng bual in 1:33 PM ah ai thawh i, 2:09 PM hrawng (a caan a fiang lo) ah Timit a phan. Minutes in tuak ah cun 41 mins a rau tinak a si. YAK-130 hi ding tein a rat ahcun minutes 26 ah a phan. A fiang mi cu YAK-130 nakin a fum deuh.Peh te ding. Salai Tial Hram Ling