Tuluk cozah nih US ram ngiathlaitu dingah an thlahmi balloon cu Canada a pal hnu ah Montana State cung vanlai pe 60000 a sannak in a hung zuang.

Tuluk cozah nih US ram ngiathlaitu dingah an thlahmi balloon cu Canada a pal hnu ah Montana State cung vanlai pe 60000 a sannak in a hung zuang. School Bus pathum tia a si lai an ti. White House ah report an pek. Biden nih Pentagon ummi ralkap cu kahnak nawl nawl a pek hna nain US ralkap nih an kap duh lo. Kah ahcun a hnawntam nih vawlei ummi minung zeimawzet a khen khawh hna, mah balloon hi US ram caah ttihnung mi a si lo” tiah an ti. Atu hi US nichuah lei kap ah a zuan lio si.

President Donald Trump nih “Shoot Down The Balloon! tiah The Truths” ah a tial. Tuluk cozah nih US ramri a hnusuan lawng si loin international law a buarmi a si caah Tuluk thil tuahmi cu an mawhchiat.

Tuluk cozah nih khuacaan le nikhua kherhhlaitu caah kan thlahmi a si. Thlitu ruangah kan controlnak nih a tlaih khawh lo caah ramri a lonhmi a si” tiah an ti.

Tuluk Bolloon a zuannnak hrawng hi US cozah nih hohmanh pal lo ding in an khammi, ralkap airbase le nuclear missiles an chiahnak hmun a si caah US thil thup Tuluk cozah nih zeimawzet an theih lai tiah an zumh. President Biden cu Tuluk cozah nih zei ah an rel lo Coronavirus an thlah hnawh, US minung million in thih a si. Atu Balloon chungah hin zawtnak Virus a um lai lo tiah anahkhan khawh si lo.

Tuchun hi US ramdang vuanci Blinken cu Tuluk a tlawng ding a si nain Balloon ruangah aa leet. Tuluk nih hin Taiwan tikulh hi laak a duh peng. US nih a ven caah a la ngam lo. US thazang dernak ding khua a khang peng. US thazang ngeih lonak a hmuh ahcun Taiwan hi laak colh a timhmi a si.Crd.Salai Lairamthang