Tulio Parborh sung an timaw Copy lar ngaimi cu FB an chimmi ka rel lengmangnak ah a tah dan hna ka thiam deng cang tu hi.

Tulio Parborh sung an timaw Copy lar ngaimi cu FB an chimmi ka rel lengmangnak ah a tah dan hna ka thiam deng cang tu hi.

Taktak ah. Laimi hi mi nih har lengmang ih Design an suaimi fawite i Copy tuah hei ti le Mi nih har lengmang le caan tampi dih in Video an tuah Hla an sak an Youtube ah an chiah mi ngaih kha i zaa loin, share piak le duh fawnlo.

Download tuah i mahte ih rak i post hei ti. Mi nih har lengmang in thawngpang an hlat Phone phaisa dihin heh tiah thawng a theimi sinah bia an hal a caan dih tein Thawngpang an hlat i an tial mi Copy i tuah zau le mah duhning rak thlennawn ih rak i post chin hei tiphun. Ayawwww

A poilo kan timi kan zia hi kan thinhlo ahcun kan thanchonak lam a kan dawntu thil poi a si.Crd- Van Bawi Zi Hlawnceu

Ro Le Rah.Lai mi kan nunphung ah ro (Ro le rah) kong hi i țial seh ti ahcun rel cawk ding hmanh khi a si hnga lo pei tiah. A tanglei ah tawi tein ka țial i a huammi lawng nih rel ko u.

Lai mi nih țhitumhnak kan tuah tikah asiloah nupi kan țhit tikah asiloah nupi kan hal tikah man kong ceih a si tawn asiloah kan i țhit vat tikah man kan i la i kan i manh tawn. Phunthawh, arsathah, ni man, ța man, pu man, innkai man hei ti pawl, chim luaimai ahcun naupuak man an ti, min sak man an ti rih cu mu, a dang zong a tampi rih.

Lai mi nih kan i țhit vat tikah a dang kha cu um ko seh law, phunthawh asiloah arsathah lomi cu an fale hmanh fatak ah cohlan an si lo. Cucaah lakfa ah ruah an si i an pale phun an i hrawm kho lo. Lakfa nih cun a pa phun ai hrawm khawh lo ruangah a pule, a nu i a pale phun ai hrawm ding khi a si. Phun dang le fak deuh in chim ahcun phunthawh lomi fa asiloah arsathah lomi fa asiloah lakfa cu phun a nei lo, phun nei lo a si. Asinain phun neih lo cu lai mi sinak ah a fak tukmi a si ve ruangah le a si kho lomi thil a si ve ruangah lakfa i a phun cu a pu, a nu i a pa phun kha ai hrawm awk a si i a phun cu a pu phun kha a si ko.

Cucaah chim duhmi cu lakfa nih cun ro a co kho lo i ro conak nawl zong a nei lo. A nu nih a hrin i mikel in minung a si khawhnak dingah cii, ai semnak ciikawr a thlahtu pa cu a nei. Asinain lakfa a si ruangah a pu ro dah ti lo cu a pa ro a co kho lo. A paro hmanh a co khawh lo ahcun a pu ro chinchin cu a co naking a hla tuk. Zeicahtiah a pu nih cun ro cotu ding fa a neih tuk ko hna cu mu.

Lakfa ti hi lai holh cun a din deuh rihmi a lo. Kawl nih cun lakfa cu an tining hna a fak taktak. Nu le pa nei lo, chungkhar nei lo, chungkhat sahlawh cingla rualchan nei lo. Khoika in ai sem ti hmanh hngalh lomi thing kak lung kak in a chuakmi fa (A tawinak cun မိမရှိ ဖမရှိ ဆွေမျိုးမရှိ ဘယ်ကပေါက်ပွားလာမှန်းလည်းမသိ တောင်ကြား မြက်ပေါက်) tiah an ti hna. Zeitluk in dah a fah mu.

Sihmanhsehlaw hawi dawt, Khrih cu ka Khamtu le ka Bawipa a si ti kan cohlan i kan zumh ahcun minung nih hrinmi lakfa si hmanh usih, kan zumhmi Khrih thawngin Pa Pathian nih lakfa a kan ti lo. Ka fa a kan ti i, fa ti lawng hmanh si loin ro cotu tiah a kan ti. Amen. Hallelujah.

Cucaah ka u le ka nau hna, kan mihring sining in kan nun awk a si lo. Nan mihring sining in nan nun ahcun nan thi ko lai; sihmanhsehlaw sualnak nan tuahmi kha Thlarau in nan thah ahcun nan nung lai.

Pathian Thlarau nih a hruaimi hna cu Pathian fale an si. Pathian nih an pekmi hna Thlarau cu sal i an canter ṭhantu hna ding thlarau a si lo, ther lengmang le phang lengmang i nan rak nunning ah an kalpi ṭhantu hna ding zong a si fawn lo. Pathian fa ah a kan sertu ding tu kha a si i amah nih cun Pathian kha, “Ka Pa, ka Pa,” tiah a kan auhter khawh.

Cu ti kan aunak ah cun Pathian Thlarau le kan thlarau cu hmunkhat ah an i fon i Pathian fa kan si kha tehte an khan; fa kan si ahcun rocotu zong kan si colh. Kannih cu Pathian rocotu kan si, Khrih roco-hawi kan si; zeicahtiah Khrih temhinnak kha kan i hrawm ahcun a sunparnak zong kan i hrawm ve lai. (Rom 8:12-17) Amen.Bawipa nih thluachuahnak in pe ko hna seh.Salai K. Biak Lian Thawng