Tulio kan dothlennak ruah tikah Ralhrang nih tanglei in teinak lam ahar tuk cang tikah Vanral rumro aa bochan. Hitin Van ral hmanh ahhin Helocopter nak hmanh in Jet-fighter hi a hman deuh. Aruang cu Helicopter pawl cu an zuanning a fumhdeuh tikah ral lei nih foi tukin thlak khawh asi caah asi.
Cuti asi ahcun tulio MAH ralhrang nih a hmanmi jet-fighter cu zeibantuk dah ansi ti kan zoh tikah Su-30 le MiG-29 ansi. MiG-29 Jet fighter khi voikhat ti-alh hang rawnmi nih 1500km (930)mile an zuangkho i SU-30MK khi voikhat ti-alh hang an rawnmi nih 4.5hours (3000km/1864ml) a nguh.
A tu furpi a hun dih cunRalhrang nih Chin ram, Karen, Kareni ram le Sagaing ramţhen hna hi fak deuh in a hun nam telai ti zumh asi. Asi ahcun ralhrang nih Vanral hmun (Airbase) zeizah dah a ngeih i Chin ram ah zei ka in dah a rat lai ti kan zoh lai.1• Pathein Air base(Irrawady ramţhen), 2,3• Hmawbi Air Base+ Mingaladon air base/Yangon ramţhen)4•MagwayAir Base, 5•Myitkyina Air Base (Kachin ramţhen Base), 6•Myeik Air Base(Mon ramţhen), 7•Namsang Air Base(Shan ramţhen) ,8,9,10•Taungoo Air Base,Shante Air Base, Pyithar Air Base (Meikhtila)/Bagu ramţhen hna hi an sihna.
Hihna lak ah kanmah Chin ram he aa naihbik mi cu Bagu ramţhen le Magwe ramţhen ummi Air Base hi an sihna i tuan i Lungler ralhrang lak lio i jet-fighter MiG-29 a rakzuang mi kha hi Meikhtila Airbase in asi anti. မကွေး Airbase in Halkha khi Van lam in 380miles hrawng asi i round trip cun 750 miles hrawng asi lai caah MiG-29 in cun sau a kan kap manh lo bak khi asi. SU-30 tu in khin 30mins to 1hour hrawng can a ngei. Hi ahhin voikhat jet fighter in a hun zuan ahhin ralhrang nih a hmanding phaisa hi $1.5M in 2M kar a dih lai tiah tuak asi tikah tulio Ralhrang a dirhmun i phaisa a ngeihlo ning zoh ahcun a har taktak khi asi.
Cucahcun tutan kan dothlennak ahhin Chin ram le Chin miphun kan ca ahcun Pathian nih a kan umpi i Ralhrang MAH le a ralkap hna nih Van ral in an kan tuk ding ahcun kadang ramţhen nak in kan i ning tuk. Cu pinah kan fingtlang hna nih sercia ralhruang bantuk ansi hna tikah khi ralhrang jet fighter caah target hnuh le khen ding aa foih lailo ti afiang.
Cucahcun tutan kan dothlennak cu kan tei hrimhrim lai caah hi canţha hi lak in hmailei Chin ram le Chin miphun caah a himmi le a fekmi dirhmun kan hmuh nakhnga i timhlamh kan hau.Crd-Penghlawn Ceu
Leave a Reply