Tulio, 2022 kan dothlennak hi hlan lio dothlennak he aa khat lo.

Tulio kan dothlennak kong he pehtlaih in meetings a kaimi caah awareness a herh pah ko rua tiah ka hmuhmi pakhat te langhter ka duh ngai. Cucu, zeidang siloin, khuakhan/ lairel thiam le chawva phawtzam thiam hi a si.

Tulio, 2022 kan dothlennak hi hlan lio dothlennak he aa khat lo. Hlan ahcun Miphun pakhat in, buu pakhat in kan cawl. Asinain 2022 ahcun, 1 a miphun in kan cawl. 2 a peng zong in kan cawl i, a khua tiang in cawlcangh a si. Kan thazaang um-ek kan chuah.

A miphun in, a peng in, le a khua tiang in kan cawl caah kan tthawng i, Cucaah, Min Aung Hlaing zong nih a ttihbikmi miphun ah kan icang. Tuning tein thazaang kan chuah chin lengmang ko ahcun, teinak zong kan hmu hrim lai.

Kan umnak US le Canada Cozah ah small business hi kan keng ruangruh/ backbone a si tiah small business pawl thazaang an pek hna bantuk in, 2022 Chin ram dothlennak ah peng Kip CDF hna hi Chin miphun a keng ruangruh/ backbone pi an si caah, thazaang pek thiam ngaingai an herh.

Tulio hi biatak tein a khua in ttang lak cio a si i, a ttha taktak. Cucaah, miphunpi caah tiah thazaang kan chuah lio ahhin, example ah Hakha peng lei khua an si ahcun, Hakha CDF an fale caah zaang hlei chuah chih kho hna sehlaw, Zophei lei khua an si ahcun, Zophei an fale CDF- Zophei caah tiah riahcaw an fun piak chih khawh hna ahcun, zeitluk indah a that hnga tiah ka hmuh.

Cucaah, tutan kan dothlennak le ral kan dohning, a nature hi meetings a kaimi kan pale paoh nih theithiam ngai in, khuakhan/lairel nak ah ruahnak kaupi he, balance thiam ngai in an kan kalpi ding hi a herh ngai in ka hmuh ko.Crd-Zasang Cinzah

Thiang Thlarau in hrinṭhanmi Khrihfa cu lenglei muisam, thilthuam, umtu leiah asilo. Chunglei thinlung in ithlen asi.

Ruahnak thinlung hlun vialte kha a lo cang i ruahnak thinlung le nunning thar ah ai thok (2 Kor 5:17).

Ai thokka lawng asi rih i thih hlan lo Khrih thinlung, nun le ziaza cawn dingah le rian pekmi ṭuan dingah “Jesuh Khrih sianginn ah a kaimi asi cang i Cawnpiaktu Thiang Thlarau kha a teacher asi cang.

Nifatin Jesuh Khrih Sianginn ah hrokhrawl lo tein a kai i, nifatin Thiang Thlarau nih a cawnpiakmi ṭhatein a ngaih i homework /assignments a pekmi inn ah a tuahmi cu mark ṭha a hmu i cataang sang chinchin a kai.

Asinain Jesuh Khrih pekmi courses a zul lomi le Cawnpiaktu Thiang Thlarau nawlngai lomi siang ngakchia cu a sungh lawng si loin cataang saang a kai kho lo.

Hrinṭhan hi lei ṭha ah a tla i anmah le sining cio in thei ṭha tampi tlaimi hi an si. Na thinlung kha, na thinlung kha Khrih nun in thlalang ibih tawn mu.Crd-James Vanneilian