Tuchun, Japan Tanzung riantuantu a simi Ms. Sakura le a bawmtu

Tuchun, Japan Tanzung riantuantu a simi Ms. Sakura le a bawmtu Ms.Tini hna he Malaysia ralzam kong biaruahnak suimilam 2 le cheu chung kan ngei kho. Ralzam kan dirhmun, Kan him lonak, harsatnak kan tonmi dikthlir phunphun, le tlaikhih kan tonnak kong, cun kan khua kan ram an kan khanghpiak i kan Kawlram buainak kong hmanthlak he langhter in ka chimh hna tikah an lung lut ngaingai…

Cun kan ram in ralzam a phar tharmi kan tamnak kong, Malaysia ram ahhih kan Chinmi chungin ralzam 60,000 hrawng kan um i UN card ngeimi minung 15,000 hrawng lawng kan sinak kong ka chimh hna tikah an khuaruah har i an kan zaangfak ngaingai khi si…

Cun Japan nihhin ramthumnak adang pawl bantukin unau, chungkhat, nuva i lak/auh khawhnak tbk a simi humanitarian visa or sponsorship visa phun pawl hi tam deuh in ralzam caah kan on/ser piak ve ulaw tha tuk hnga tiah ka chim tikah a ka lehmi cu ruahphu ngai temi a si ko a ti.
A ruang Japan nihcun kum tling lo unau i lak duh hmanhah a lakmi a naupa kha Kum 21 a tlin ta hmasa a hau ti a si.

Japan nih ralzam lak kan pehzulh thluamah rih ko lai, atu zong a rauh hlanah bu khat (next batch) cu kan lak colh than hna lai a ti… (Kan hnung thla, September ahkhan Minung 29 Japan ah an kal).

Hmailei ah teh ton/biaruah khawh na si ti lai maw tiah a ka hal i ka lehmi cu, mizei Embassy hmanh nih ton khawh peng ka si, kai tinhmi cu zalram kan konglam le kan aunak (our voices) hna hi ramkip nih kan theihpiak hna seh ti hi a si ko, ka caan kan pek khawh peng ko hna tiah ka leh…Coffee hmui takmi Latte an ka dangh….Crd-Salai Eric Cenhrang

Tarpa Cawnpiaknak Voikhat ah khua pakhat ah sifaktuk mi nuhmei le a fapa an um. Ni a lin ngaingai i thingkung tang ah mithmai chia ngai in nuhmei nu fapa a ṭhut ko kha, uifa te he lam a rak lengmi tarpa nih a hmuh. Tarpa nih ngakchiapa cu a hal, “ zeicadah mah tluk cun na ing a puan,” a ti. Ngakchia pa nih, “ ka nu nih rian lawnglawng a ka fial, ka hawi le sin zong lente kaa celh kho lo,” a ti. Tarpa nih a si cun keimah he kan i celh lai a ti lung pahnih a lak i a pek. Lungsau kan i zuam lai hodah sau deuh a pu kho a ti.

Ngakchiapa nih lung cu a lak i suimilam a cheu tluk a put hnu ah akut a bat caah ka huam ti lo, len tecelh zong ka huam lo a ti. Tarpa nih a si cu uite he khan i celh ko u, amah bel te zal i hnukdur kha uite cu dinh hmasa a ti. Ngakchiapa hnukdur cu a lak i uite cu khat lei khat lei a tlik caah ka huam ti lo, uite he lente celh zong ka huam lo a ti ṭhan. Tarpa nih ngakchiapa cu “Nang cu lung kha suimilam cheu chunghmanh na cawi huam lo, na nu cu thlakua chung an pawi, uite hnuk dinh na huam lo nanu cu hnuthlum an pek.

Na upat tiang rawl viozeizat dah an chumh piak tihi na theih lo maw,” tiah a ti. Ngakchiapa cu khua a ruat, a lung a hungfim i zeibia hmanh chimti lo in inn lei ah a lawi. Crd. Sarpaymyohtaw, June 27, 2022
Lung retheihnak nih minung cu lunglawm loin a tuah, Sihmanhsehlaw dawtnak bia nih cun lunglawmhnak in a khahter (Phungt. 12:25).