Tu tan dothlennak tluk i Chin miphun thazaang kan chuah a um bal lo.

2021 dothlennak hi 1988 dothlen nak bantuk in a vaivuan ṭhan te ko lai an ti maw?Kan hnu lei ah khan ka hawipa he bia kan i ruah i a chimmi:

“Mi cheu nih cun tu tan dothlennak zong hi 88 lio bantuk khan a si ṭhan ko lai, a donghnak ah cun a vaivuan ṭhan te ko lai an ti…”

“Tei le tei lo cu caan nih bia a khiah te ko lai. Tei le tei lo cu pahnihnak ah ka chiah. Thil dik lo kan dohmi hi pakhatnak a si. Mah ram mi lila vok thah le ar thah bantuk in a thatmi le khua mi hna inn le lo mei in a khangmi mi ṭha lo hna hi cu kan doh hrim hrim hna awk a si…”

“Tu tan dothlennak tluk i Chin miphun thazaang kan chuah a um bal lo. Dothlennak tuah ruah ah nu hna zong nih ram tang ah harnak tampi tuar buin hriamnam an tlai. Ram leng a ummi hna zong nih dothlennak ca ah tiah a hlei in rian a ṭuanmi an um. 88 bantuk cun a vaivuan hrim hrim lai lo. Kan tei fawn lai…”

Argentina miphun roling dothlengtu Che Quevara nih a rak chimmi cu:“Dothlennak cu a hmin hnu ah a mah tein a ṭilmi thingthei bantuk a si lo. Nangmah hrim hrim nih na ṭhilh a hau.”

Doh lo in kan i chit tu ah cun tei awk a ṭha lo. Kan doh ah cun kan tei ko lai.

“Tei le tei lo cu pahnihnak a si. Thil dik lo kan dohmi hi pakhatnak a si. A tei zong kan tei fawn lai.”A Ruang 22/07/2022

Be the first to comment

Leave a Reply

Your email address will not be published.


*