Trinity a zummi le a pommi ka si ko.Oneness a pommi pawl nih cun a bik in Lamkaltu 2:38 hi chirhchan ah an i lak.

Trinity a zummi le a pommi ka si ko.Oneness a pommi pawl nih cun a bik in Lamkaltu 2:38 hi chirhchan ah an i lak.

UPC minister (Tad Lindley) pakhat nih a chimmi cu Bible chung khoika hmanh ah Pa le Fapa le Thiangthlarau min in tipil an innak/peknak a um lo a ti.

Mathai 28:19 chung i Bawi Jesuh nih nawl a pekmi hna zong khi amah min lawng a chimmi a si a ti. Aruang cu “in the name of the Father and of the Son and of the Holy Spirit,” ahhin “name” timi nih pakhat lawng a sawh (singular), min tampi (plural) “names” tiah a ttial ttung lo a ti. Mah ruangah pakhat ca lawng i hmanmi “name” (singular) min zonghi amah min lawng in tipil pekding kha nawl a pek hna nak si a ti. A ti rihmi cu Peter hi a palh ahcun Bawi Jesuh vancung a kai le Pentecost ni karlak zarh hrawngah hin Peter hi a lungtlau i a si lai a ti.

Josh Buice nih a chim vemi cu Pa le Fapa le Thiangthlarau min in tipil kan i pek cu Bawi Jesuh kan dawt ruangah a nawl pekmi cu kan zulh/kan tuah a ti. Bawi Jesuh zong nih a chimmi cu “Nan ka dawt ahcun ka nawlbia kha nan zulh hna lai” (Johan 14:15). Hlanlio zultu pawl nih Bawi Jesuh min lawng in tipil an peknak aruang cu mah lio ah khan Jesuh cu Messiah bantuk in an pom khawh lo ruangah mah hna ralchanh cun Bawi Jesuh kha an hlorh i mah ruang ahcun a min in tipil an peknak kha a si a ti. Mah hi hman dawh bik cu a si ko, Peter le zultu dang nih Bawi Jesuh min lawng in tipil an rak pek hna nak hi. Mah konghi tamdeuh in ka manh deuh tik ah ka van ttial tthan te lai.

Theih awk: Keicu Trinity a zummi le a pommi ka si ko.Crd-Van Tum