Tlau le tlau lo kongah ralrin ding!

“Khamhnak a tlau kho” tiah a zummi hna caah ralrin dingmi thil hna cu: Farasi bantukin mah le mah fel tuk le thianghlim tuk i i hmuh, sual-palhnak tuah caan poah i ka khamhnak a tlau cang ti i lungre thei i um, Pathian kha a fale kan sualnak lawng a ngia i dantat ding lawng a kawlmi bantuk i hmuh.

“A tlau kho ti lo” tiah a zummi hna nih ralrin dingmi cu: sualnak tuahmi raltha tuk i tuah chin lengmang nak i hman, mah tuahmi sual thuhnak/huhnak ca i mah le mah i hnangamhnak i hman, Pathian dawtnak le ngaihthiamnak cu sual tuahnak ca i hman (Chirnak um loin Pathian duh lomi sualnak hnangam tuk i kan tuah peng ahcun kan khamhnak kan i check bak a herh).Crd-CK Tiam

Sal Bantuk Hruaitu Midangnak in rian a ṭuan deuhmi cu sang deuh akaimi an si hrimhrim ko. Rianṭuantu ṭha nih laksawng nganbik a hmuhmi cu riantam chin kha a si an ti, a dik ngaingai. Rianṭuantu sawhsawh cu zanlei suimilam 4 ah a lawi ko i zinglei 9 hlan cu a rian kha a theih hmanh a thei ti lo.

Sihmanhsehlaw kha rian zohkhenhtu upa bik cu hawi dih hnu ah saupi hawihlei in rian a ṭuan zungzal. American ram mirum bik a simi pakhat John D. Rockefeller cu hawi an lawi dih hnu, midang khan mei a mih dih hnu ah anih khan cu a ceu zungzal ko an ti. Cucaah Pathian nih minung kan nunning i a rak kan tinhmi cu sang deuh kan kai chin lengmang paoh ah sal ngan deuh kan si chin lengmang ve awk a herhmi hi a si.

Kan nih Laimi khrihfa nih kan hngalh khawh lo bikmi cu hihi a si, kan rian a ngan deuh lengmang paoh ah bawi deuh lengmang kan si i kan san deuh paoh ah Pathian kha kan hlat chin lengmang, Laimi Khrihfa ṭumchuknak cu hi ka hin aa thawk te lai. Rev. Dr. David Van Bik, “Luka Thawngtha Fianternak”( Yangon: LKCP, 2014), 305.Jesuh nih a thawh hna i, Sihmanhsehlaw nannih cu hitihin nan si awk a si lo: nan lak i a ngan bik kha a ngakchia bik bantuk a si awk a si i hruaitu a simi kha sal bantuk a si awk a si(Luka 22:26).Mah Azi

Be the first to comment

Leave a Reply

Your email address will not be published.


*