.Tlangval Van Dawt Thang nih CDF Thantlang caah $1000 a hun rawn than hoi.

Lawmhnak.Tlangval Van Dawt Thang nih CDF Thantlang caah $1000 a hun rawn than hoi. Kan ilawm taktak khi si.

Miphun dohthlennak caah hin Bill pek phun in ai ruah le thla thawk chiarte a rak rawn. 2022, March thla thawk in keimah sinah a rak ronmi lawng hmanh hi $9500 a si cang.

Zapi caah a fawi lo nain a rak rawn khawh peng caah thangtthat tlak taktak a si.

A ngeihbik i a income a tthatbik ruang theng cu a si lai lo nain mipi kilvengtu hna kan ralkap pawl tuarnak a in khawh lo ca a si ka zumh.

Pathian thluachuah tu dong chin hram ko seh.Lawmhnak nganpi he,Van Cin Mang 5183129612

Pek Nun Ngeih Hi Thluachuah Hram A Si.Malakhi  3:10  Cheuhra cheu khat cu a dihlak in thawh lawm in ah rak pu u, Cun ka innchung ah cun rawl um seh. Ka hneksak tuah ngat u, van inn ka cu kan hunpiak le hun piak hna lo;thluachuahnak cu kan thlet hnawh hna le thlet hnawh hna lo zohtuah ngat u, ti ah ralkapbu bawipa nih a ti.

Pastor nih cheuhra cheu khat kong chim cu mi nih an rem set lo. Midang nih an chimmi cu a um ve. A chimmi lak ah cheu khat kan theihmi cu ‘Biakam Hlun nawl bia a si, Biakam Thar cu vel chung ah a umm ikan si i kan pek awk a si ti lo, ti hna a si ve. Pek a duh lomi le pek lo ding in a chimmi an i ton tik ah an thluachuah a pit.

Tuzing ah kan relmi hi Cathiang chung ah an hmuhmi bak a si. Cathiang hi kan duhnak ah kan uar i kan uar lomi cu kan rem tawn lo. Biakam Hlun cawnpiaknak Biakam Thar chung ah a ummi hi kan hlawt ahcun Biakam Thar zong hi pakpalawng a si lai. Tthen awk a ttha lo mi an si. Biakam Hlun chung ah kan hmuhmi ruah channak hi a tlin i Biakamthar kan ngeihnak hi a si.

Khrihfa zumtu a si mi hna nih cun cheu hra cheu khat hi kan pek awk a si. Kan nih nih zakhat chung ah sawmkua lak ding in a kan ti i Pathian nih pahra lawng a kan hal hi kan van a ttha tuk.

Kan tuan khawhmi le kan hmuh khawhnak vialte hi a mah Pathian thawng lawng tein a si. Amah Pathian thluachuah lawng te a si. Khrihfa kan zumhnak hram a si. Cheuhra cheu khat pek hi kan zumh nak he a pehtlaimi bak a si. Kan hmuhmi tangka le chawva kan pek tik ah kan lungthin umnak a langhter. Na chaw a umnak hmun ah nan lungthin zong a um ve lai (Mathai 6:21). Na chawva i cheuhra cheukhat na pek mi nih  alanghtermi cu an lungthin hi chawva nih a ttemttawn lo tinak a si ko.

Pathian nih a kan kamhmi a si. Ka hniksak tuah ngat u, thluachuahnak cu kan kan thlet hnawh hna le thlet hnawh hna lo zoh tuah ngat u, a ti. Pathian cu a bia ah a ummi a si. Pathian kong cu a bia ah kan theihmi a si. A zumtu hna lungthin chung ah rian a ttuanmi a si.

Nawlbia tang ah kan um ti lo, vel chung ah kan um cang caah a liannganmi a vel a tingco mi caah cun an lungthin cu Pathian sin ah a um. Lungthin chung in a chuakmi pehtlainak a si. Nan chaw umnak ah nan lung zong a um ve lai.Bil Hmung

Be the first to comment

Leave a Reply

Your email address will not be published.


*