Tinam khuami hawidawt hna, nan ngaihchiatnak kan tuarpi ve hna.

Tinam khuami hawidawt hna, nan ngaihchiatnak kan tuarpi ve hna. 2018 ah zarh 1 deng ka rak um bal. Khuami dawtnak nan ngei, mino an fel, nan lung ai rual taktak. Khuate asi nain, khuapi van hailo asi. Kan miphun nih bochanmi le Pathian riantuantu thatha an chuahnak khua asi.

Atu kan Miphun dohthlennak ko ah a biapi tukmi khua, bochanmi le philh awk a tha lomi khua asi. Hriamtlaih in miphun a dirhkamhtu miphun kip an idinhnak ngaidem khua asi. Bawipa nih in hnemh hram ko hna seh. Teinak Bawipa nih kan pe ko seh.Credit-Ram Tinthei

Kanaan Ram Phak Tik Ah! Deuteronomi 7:2  BAWIPA nan Pathian nih annih (Kanaanmi) cu nangmah kha an pek i na tei hna tik ah an nih cu na hrawh cikcek hna lai.

Israelmi hi Pathian nih a umpi hna i ral an tei. Izipt ram in an chuak i Kanaan ram ah lut ding an si cang. BAWIPA nih a hruai hna. Kanaan ram an phan deng cang. Moses hmang in ralrin a pek mi hna chung ah tuzing Cathiang hi ka relmi a si.

Kanan ram ahhin Israel mi hna nak in a tthawng deuhmi miphun pasarih an um. Hi miphun hna hi Baal a biami an si. Asherim tung lawki mi nih rai an thawinak tung zong an ngei. Fanu fapa dawh dawh zong an ngei. Biak ttheng zong hmun kip ah a ngeimi an si.

Israel mi sin ah BAWIPA nawl pekmi cu an biak ttheng zong hrawh ding. Asherim zong hau ding. Fanu/pa  hna zong tthit lo ding,vat lo ding in ral rin a pek hna.

Miphun a khat lomi, biaknak zong ai dang mi hi nunphung ai khat kho lo. Ruahning zong ai khat kho lo. Pakhat tal cu pakhat nih dolh hi a si deuh ko. Silole laklawh in um i vaivuanh a fawi ngai. Cathiang kan rel tik ah Israel mi hna nih Pathian bia hi an tuah lo. A hnu ahcun BAWIPA  thinhunnak an cung ah a alh i harnak an tong tawn. Siangpa hrang Ahab nih Naboth mitsurdum a chuh zong Anupi Jezebel, Baal a bia mi ruang ah a si.

Pathian nih miphun him ter a duh hna. Izipt ram in a chuahpi hna. Isaiah nih cun mitsur ruang ttha phun a ti,nain a thei cu a thur(Isaiah 5).

Zumtu kan nih zong kan phaknak hmun ram le minung cu kan hrawk cikcek kho bal lai lo. Kan nunnak tu ah ralrin in kan lungchung ah nunter loin hrawkcikcek hna u sih law, BAWIPA nawl hi zul u sih.Bil Hmung

Be the first to comment

Leave a Reply

Your email address will not be published.


*