Tikir le Thantlang kan rak lar tuk lio kha mi mit kan rak kem taktak la.

Tikir le Thantlang kan rak lar tuk lio kha mi mit kan rak kem taktak la. Miphun huap bu ngan deuh pawl ah hruaitu van tlin cun chungkhar in, a khua in, pengtlang in khuang cawi i thang ichuah a um ṭheo.

Mah hi pengtlang poliṭik a linhsattertu bik pakhat cu a si tengteng. Hawi theih lo tein ilawmhpi i hawi theih lo tein dirkamh zia thiam ah a ṭha. An hnulei in a til in til dingmi khi kanmah lei ah a hnuh in kan hnuh tawn hna.

Miphun huap rian ikhinh hnu cun khua le pengtlang rian cu a si khawh chung in hrial ah a ṭha ko. Mipi zong nih mah khua le mah pengtlang he pehtlai in rian fial ding zong an si ti lo. Mi nih an kan thei sual la loh ti zong phan ding a si loh.

Jesuh nih chungkhar kaltak hmasa lo cun a ka zultu nan si kho lo a ti bantuk khan miphun huap rianṭuantu nih cun khua le pengtlang a kaltak ve a hau ko rua lai.Crd-Cung Hup Thang

Ruahchannak Hram!Salm 31:24 BAWIPA cungah a ruahchannak a chia mi vialte hna, lungtthawng le thazaang tthawng in um ko u!

Salm hla hi nifa te rel tik ah thazaang petu a si peng. Nikhat caah pakhat lengmang in rel awk a tlakmi a si. Nifate kan rel tik ah nan lungchung cio in thazaang nan lakmi a um hrimhrim ko lai. Tuzing ah ka relmi zong hi thazaang laknak ding caah le BAWIPA cung ah ruahchannak chiah hi zeitluk in dah a herhti kha a langhter peng.

Minung hi ruahchannak kan ngeih tik ah nun kan zuam. Ruahchannak ngeih lo ahcun kan nunnak hi zeitindah kan tuah khawh ti a fiang ngai. Micheu cu anmah le an mah hna nunnak an i lak. Micheu cu zeihmanh tuah huam ti lo in an um i an nunnak kha tthancho lam panh ti loin a dong ve. Micheu cu ruahchan nak he an nung i an tuahmi thil kip ah khan thazaang tthawnnak le lungtthawnnak an ngei kho.

Minung kan nunnak ah a biapi ngaimi pakhat cu can hi a si. Caan hi mizei paoh nih nikhat ah suimilam 24 kan ngei dih. Suimilam 24 kan ngeihmi chung ah kan cawl kan cang cio hna. Mi tampi cu hawihngar in kan um. Mitampi cu an ttuannak ah thluachauh an hmu i duhnung le hngar awk in an um ve.

Mipakhat nih ca a ttial mi ah hi tin hin a ti. Vawlei cungmi vialte hi vawleicung ummi chawva hi nikhat ah a zat cio, i ruang dih in kan pe hna seh law, can tlawm pal a ruah ah cun a ngei deuh le a ngei lo deuh kan i dang tthan ko lai a ti. Ka lung chung in ka co hlan khawh ngai. Kan ruah sual tawnmi a si rua ka timi cu, Kan si a fah le hawi hngar in kan um hi Pathian nih a kan thlei dan ruang ah a si, ti hi a si.

Minung kan nunnak ah hmailei ah kar a kan hlan tertu a si rua ka ti mi pakhat cu ruahchannak ngeih i nifa te Pathian bochan in cawl cangh lengmang ve hi a si. Mah bantuk ah zeidah kan tuah lai, zeibantuk dah kan cawl cangh lai tit u cu kan thiammi, kan tuah khawhmi le kan pahrang cio zong ai dang men ko lai.

Salm chung ah kan relmi “BAWIPA cungah a ruahchannak a chia mi vialte hna, lungtthawng le thazaang tthawng in um ko u!” ti hi a ttha tuk. BAWIPA cung ah kan ruahchannak hi dong hrimhrim hlah seh. BAWIPA cu zeizong tuah kho tu le a thawngmi Pathian a si. Amah duhnak kan kawl ahcun kan lei ah ttang in a cawlcang hrimhrim ko lai. Kan ruahchan nak hram BAWIPA a si.Bil Hmung

Be the first to comment

Leave a Reply

Your email address will not be published.


*