Thil sining ka hlat tik ah US um Laimi cheukhat nih Bible ka kainak ahhin zei kong pawl dah a ttial timi theih le hngalh khawh i zuam hna seh a lo.

Thil sining ka hlat tik ah US um Laimi cheukhat nih Bible ka kainak ahhin zei kong pawl dah a ttial timi theih le hngalh khawh i zuam hna seh a lo. Mah lungput le thiltuah hi US university policy he zong a kalh bakmi a si pin ah Khrihfa ziaza le cawnpiaknak he zong a kalh bak. Misual pawl hmang in mah cu theih khawh i zuam hna seh law a lo. Pathian duhmi hrim a si lo zia a fiang.

Bible kaimi, Pathian bia a cawngmi ka si bantuk in Pathian bia he a tlak in ka pom lai, ka zumh lai i ka nunpi ko lai. Ka cungah dantat duhnak lungthin le ruahnak he a ka zul pengmi cu satan bantuk an si tinak si ko lai. Farasi le Sadusi pawl nih Jesuh sualnak an kawl lengmang i dantat khawh an i zuam/ an duh bantuk a si ko lai.

Minung cu human right (nuhrin covo) kan nei cio bantuk in a ttha kan timi le Khrihfa cawnpiaknak he a tlakmi si kan timi zumh le pom le i nunpi nak nawl kan nei dih cio hna. Midang cungah thilrit le thilttha lo a chuahpi ding hrim ttial zong ka tim bel lo. Public theology zongnih a tinhmi cu mi zapi ca a ttha dingmi chimrel, ttial, au, tuah le ttuan hi a si ko.

Sahrang bantuk in mi tlamtling lonak kawl i hmuh i zuam i dantat khawhnak ding lam lawng a bawh pengmi cu zeitik hmanh ah mi hlawhtling an si kho lai lo i khrihfa ttha le zumh awktlak zong an si kho fawn lai lo.

Ka cung i atu bantuk in ruahnak le lungput a neimi cu Pathian nih an i timhmi le an thil tuahmi cungah tlamtling lonak pe hna seh. Har lengmang in Pathian bia a cawngmi cungah tthat lonak tuah lawng a ruat pengmi le a tim pengmi cu Pathian nih cawnpiak ko hna seh.Crd-Van Tum