Thih Dar

Hakhalay khua mi Taungzalat – 6, Kalay ah ralzam dirhmun in ai dor mi Pu Lian Peng (77) nih tuzing (Jan 27, 2023) ah mual a kan liam taak i Kalay Lai Mino Bu le CFB nih ruak Hakhalay ah va thlahnak tlamtling tein kan telpi khawh hna.Tantaak chungkhar Bawipa nih tuar khawhnak pe cio hram hna seh.Crd-Chin Funtomnak Bu (kalay-Kabaw)

Myaing Le Myingyan Peng Ah SAC Ralkap Bomb Puahhnawh An Ton Caah 9 An Thi.Magway ramṭhen, Myaing peng ah rallam a sialmi SAC ralkap pawl cu bomb puahhnawh an ton caah 3 an thi, tiah Myaing Pah Kah Phah sinin theih a si.

January 26 zing sml 11:00 hrawngah rallam a sialmi SAC ralkap le pyusawhti 15 hrawng cu, Well-2 Kyaukkhuat zinan hmun in Teykyi khua lei an kal lioah bomb in kan puahhnawh i SAC ralkap 2 le pyusawhti 1 an thi. Pyusawhti 3 le ralkap 2 hliamhma an pu, tiah theih a si.

Bomb puahhnawh a tongmi pyusawhti le SAC ralkap nih thlam pahnih an khangh i Skat motor 4 in a kalmi ralkap 40 hrawng he Teykyi khua phungki sianginn ah umhmun an khuar, tiah theih a si.

Cun, Mandalay ramṭhen, Myingyan peng Simikhone khua ah SAC ralkap motor cu bomb puahhnawh an ton caah 6 an thi, tiah Naung Yoe Special Guerilla Force in ṭuanvo ngeitu pakhat nih a chim.

January 25 zan sml 8:40 hrawngah Simikhone khua in cycle 5 in ralven dingah a chuakmi SAC ralkap le palik pawl cu, Simikhone- Nabuaing(ဆီမီးခုံ-နဘူးအိုင်) motor lam ah bomb in kan puahhnawh hna caah 6 an thi, tiah Naung Yoe Special Guerilla Force nih an langhter.

“SAC ralkap pawl cu ralven dingin an kal lio ah bomb in kan puahhnawh hna i cycle 3 ah aa citmi ralkap pawl cu an thi dih. A taangmi mi nih an kan kah ko nain hliamhma pumi kan um lo. SAC ralkap lei in 2 hliamhma an pu,” tiah NYSGF in ṭuanvo ngeitu nih a chim.

Cu kahdohnak ah SAC ralkap 2 le palik 4 an thi i zan sml 11:00 hrawngah mizaw phorhnak motor in SAC ralkap le palik ruak cu an lak hna, tiah theih a si.The Chin Post