Thih Dar Thantlang Khua ,Siang inn Sang um ,Pu Van Khar nih a kan liam tak.

Thih Dar Thantlang Khua ,Siang inn  Sang um ,Pu Van Khar nih a kan liam tak.

Thih Dar 20.8.2022 Thantlang Khua ,Siang inn  Sang um ,Pu Van Khar kum- 71 (Mang Ceu  pa), cu Ralzam in an i dor nak Kalay Myo Khua ah ,20. 8.2022 zanleisang 2:00pm ah a kan thih tak .

Thantlang JMBC Khrihfa Bu chungtel a si .Tantak mi chungkhar nan dihlak nan ngaihchiat nak kan in tuarpi hna .Pathian nih nan ngaihchiat nak  in hnem ko hna seh . Crd-Ram khar

‘Lihbia Ngiatnak’ Cauk: Aho Rel Awk Dah A Si? Tuan lio American CIA Officers pathum nih an tialmi cauk a si. ‘Interview le lihbia tlaihnak’ ah hmaisuang CIA Officer pathum an rak si.

Anmah pathum nih L-squared Model timi an serchuah le cucu, CIA nih an hmanmi model a si.

L-squared Model cu, biahalmi minung a bialeh ngaih le a takpum cawlcangh zoh in lihbia ngaitnak a si. Cun, ‘Cluster rule’ – lihbia hmelchunh bu – an hman. Cun, an kherhlai hnu ah bialettu a lih le lih lo biatlang an kawm.

Lihbia cu, phun 3 in an then; (1) lih fangfak rumro chim (the lies of commission);  (2) bia nganh hram (biadik hrial) (the lies of omission); le (3) dirhmun ttha in lihbia zumhter (the lies of influence – tahchunnak, Pastor ka si i, mah bantuk sualnak a tuah kho ding ka si lo ti bantuk bia; asinain cu sual cu, rak tuah ziar).

Lih hmelchunh — (1) biahalmi bia let lo in, aa pehtlai lomi bia tu in leh daih; (2) biaknak (religion) in Pathian minchal in, Baibal i tlaih in, ‘Ka tuah hrim lo’ ti bantuk bia; (3) bia a thuh in thuh; (4) theih fawite biahalnak kha bialettu nih i nolhter; (5) bia ka hal ngam hlah seh tiah bialettu nih tluangkhuan; (6) takpum (non-verbal) hmelchunh le hmurka lehnak bia i kalh, tahchunnak ah, ‘aw’ ti i ‘lu hei lei diah’ — a dang tampi an tang rih.

Bialettu nih a langhtermi lih hmelchunh vialte khi an komh hnu ah, an kherhlai i, biatlang an kawm.

Police, Lawyer, Judge, Psychologist, Human Resource Manager, Journalist (interview tuahtu), nulepa (parent) caah rel a tlakmi cauk a si. Biahal thiamnak kha a hrampi a si. Biahal thiam lo ahcun, lih hmelchunh khi bialettu sin in a lang kho theng lai lo. Pastor caah rel awk a si men lai lo — a tukhalhmi member vialte kha lunghring lote in zohrual an herh caah, midang lung va hrinh kha Pastor rian bawmtu a si lem lai lo.

Cauk Ka Uarlonak Zawn

1. Academic chirhchan pakhat hmanh a um lo — an experience an tialmi a si caah.

2. Bialettu sin ah ‘rationalisation le minimisation’ strategy khi ka uar lem lo. Tahchunnak ah, ‘rawl a ttam tuk ahcun, fir sual a um tawn ko. Ahohmanh mitling kan um lo’ ti phun khi a si. A ping ah bialettu hruai lo ding in chim a hau an ti ko lio ah, hi ‘rationalisation le minimisation’ hi a sual lomi minung le ngakchia caah tih a nungmi ah ka ruah.

Reltlak cauk a si hrim ko ti cu, al awk ah ka rel lo. Tuan lio FBI Special Agent Joe tialmi ‘What Every Body is Saying’ timi cauk he cuaichun ah Joe tialmi ka uar deuh. Asinain rel veve ah hngalhnak aa chapmi a tling deuh hrim lai.CH Khar

Be the first to comment

Leave a Reply

Your email address will not be published.


*