Thih Dar Thantlang Khua Lungtial Sang ummi ,Pu Zo Peng Nih a kan liam tak

Thih Dar Thantlang Khua  Lungtial  Sang ummi ,Pu Zo Peng Nih a kan liam tak

14.2.2023 Thantlang Khua Lungtial  Sang ummi ,Pu Zo Peng -(64 )cu Ralzam in Mizoram Saiha khua an I dor ah 13.2.2023 ni ah a kan thih tak . Pu Zo Peng hi  Mara Mi a si I ,  Thantlang USDP party in Voi thum thim nak ah a lut mi si .

Tantak mi chungkhar nan dihlak nan ngaihchiat nak kan in tuarpi hna .Pathian nih nan ngaihchiat nak  in hnem ko hna seh .Crd Pu Ram Khar

Nyaunglaypin Station Ah Bomb Puahkehnak A Chuak, Khualtlawng Mi 3 Nunnak Liam, 9 Nih Hliam An Tuar.Bago ramṭhen, Nyaunglaypin Station ah bomb puahkehnak a chuak, khualtlawngmi minung 3 an nunnak a liam, 9 nih hliamhma an tuar tiah theih a si.

Nihin February ni 13, chun suimilam 12:00PM hrawng ah station ah khualtlawn aa timmi hna nih tlanglawng an hngah lio ah bomb puahkehnak a cang tiah tualchung mi pakhat nih a chim.

“Tlanglawng a hngaktu an umnak pawng in puahkehnak a chuak, an hmanhmi maw a si, an chiahmi dik a si cu fiang tein kan thei lo, puahkehnak a chuah ruang ah khualtlawn aa timmi chung in hliamhma tuar le nunnak liammi tiang an um” tiah a chim.

Bomb puahkehnak a chuah ruang ah Laytatkyae(လက်တက်ကျေး) khuami Ko That Naing Htun(kum 31), Ma Lay Lay Aye(kum 36) le Ma Nway Nway Win(kum 42) tiin minung 3 an nunnak a liam leng ah minung 9 nih hliamhma an tuar tiah theih a si.

Nunnak liammi le hliamhma tuarmi hna cu mibawmchantu phu nih Nyaunglaypin siizung ah an kalpi hna tiah theih a si.

Bomb puahkehnak a chuah hnu ah SAC ralkap hna nih puahkeh a cannak hmun ah chekhlatnak an tuah. Bomb puahkeh a chuahnak kong ah mizei phu nih an tuahmi theih a si rih lo.Myaelatt Athan