Thih Dar Thantlang Khua Biak Inn Sang ummi ,Pu Za Peng Ling-nih a kan liam tak

Thih Dar 1. 2. 2023 Thantlang Khua Biak Inn  Sang ummi ,Pu Za Peng Ling- 58 cu Ralzam in an I dornak Mizoram , Lawngtlai khua ah 1.2.2023 ni , Zingka ah a kan thih tak . Pu Za Peng Ling chungkhar hi AG Khrihfa Bu ah a um mi an si .

Tantak mi chungkhar nan dihlak nan ngaihchiat nak kan in tuarpi hna .Pathian nih nan ngaihchiat nak  in hnem ko hna seh .Pu Ram Khar

Uknak Laak Hnu Ah Chin Ramchung In Inn 2100 A Rawk, Milu Hmunli Ṭhen Hmunkhat Umnak An I Thialkam – CHRO
Chin nuhrin covo a kelvengtu phu Chin Human Right Organisation (CHRO) nih an langhter ning ah, SAC ralkap nih uknak an laak hnu kumhnih chung ah Chin ramchung milu hmunli ṭhen hmunkhat cu mahle umnak hmun chuahtak in an i ṭhialkam i, inn 2100 hrawh a si tiah an langhter.

Kumhnih chung ah hin minung 421 leng nunnak a liam i, cu chung ah tualchung mi(civilian) 285 an thi. Cu lak ah cun nu 72 le ngakchia 25 an i tel. Cu pin ah tlaihkhih a tong mi 1431 an um, tiah an langhter. CHRO langhter ning ah uknak laak hnu in Chin ramchung ah inn 2100 cu a rawkral. Inn tam deuh hi SAC nih a khangh in an khangh. Innlo a rawkralmi lak ah hin Thantlang cu innlo a rawk tam biknak a si. Mipi umnak inn pinah Biakinn 50 zong an rawkral.

SAC ralkap cawlcanghnak ruangah ramchung mi tampi nih mahle umnak hmun an chuaktak i, atu dirhmun ah ramleng chuaktak in ralzam dirhmun a phan mi minung 50,000 an phan. Hi pin ah ramchung ah innlo chuaktak in aa ṭhialkam(ralhrial) mi 70,000 an um i an dihlak in Chin ramchung minung hmunli ṭhen hmunkhat cu an i ṭhialkam tiah CHRO nih an langhter.The Chin Post CHRO