Thih Dar Thantlang Khua Biak Inn Sang ummi , Pi Tin Tlem -55(A Bi nu )nih A kan liam tak

Thih Dar Thantlang Khua Biak Inn  Sang ummi , Pi Tin Tlem -55(A Bi nu )nih A kan liam tak

Thih Dar 25.2.2023 Thantlang Khua Biak Inn  Sang ummi , Pi Tin Tlem -55(A Bi nu )nih Ralzam in an I dor nak Hriangkhan khua ah  25 2.2023  ni ah thiKai zawt nak in a kan thih tak.Pi Tin Tlem hi A chuah nak khua cu Thantlang peng Tah Tlang khua mi a si .

Tantak mi chungkhar nan dihlak nan ngaihchiat nak kan in tuarpi hna .Pathian nih nan ngaihchiat nak  in hnem ko hna seh .Crd.Pu Ram Khar

Sintgaing Ah SAC Ralkap Leilawng Pakhat Bomb Puahhnawh Tong In 5 An Thi, Mandalay Ah Ralbawi Ngeihmi Night Club Hngaktu Kah An Tong

February ni 24, zinglei suimilam 10:30AM ah Sintgaing peng Shwehlanbu(ရွှေလှံဗိုလ်) khua le Saitpyuye(စိုက်ပျိုး​ရေး) khua kar ah ralven ding in aa chokmi SAC ralkap leilawng pakhat cu padeta bomb lung li hmang in puahhnawh an ton caah SAC ralkap 5 an thi, 7 nak tlawmlo nih hliamhma an tuar tiah theih a si.

Ralvengtu SAC ralkap hna cu Duhtawady(ဒုဌဝတီ) dohthlengtu phu le ṭangṭi phu li fonh nih an doh hna tiah theih a si.

Cu pin ah , Mandalay ramṭhen chung um ralbawi pakhat nih a ngeihmi night club Mandalay pahkahphah nih an kah.

Mandalay 54/30 lamcung ah a um i SAC ralbawi buhmu pakhat nih a ngeihmi Zeus Bar (Night Club) cu tualchung hriamtlai phu nih bomb an puahhnawh hna caah Bar hngaktu SAC ralkap 3 hrawng an thi tiah ACID Army PDF – MDY in ṭuanvo ngeitu pakhat nih a chim.

February ni 23, zan suimilam 8:30PM hrawng ah Zeus Bar (Night Club) hngaktu SAC ralkap hna cu Mandalay pakmhkahphah ACID Army PDF – MDY nih kutcheh bomb lung hnih in an puahhnawh hna hnu ah, Bar leng a chuakmi SAC ralkap hna cu meithal in voi 5 an kah hna.

Kahdohnak a dih hnu suimilam cheu hrawng a rauh ah bawmtu SAC ralkap an phan i bar pawng hrawng cu chekhlatnak tuah in ralvengtu an chiah hna. Mipi nih SAC ralkap an umnak hmunhma ah um kal lo ding in ACID Army PDF – MDY nih a thanh.Khit Thit Media