Thih Dar Pi Dar Khen. Kum 80 (Sang Khar nu)

Thantlang Khua ,Zung Hmun Sang ah um mi , Pi Dar Khen Kum 80 (Sang Khar Nu ) nih Ralzam in an I dor nak Hriphi (B) khua ah ,12 Dec. 2022, zan 7:00 PM tluk ah a kan thih tak .An Mah hi Believer Khrihfa Bu an si .

Tantak mi chungkhar nan dihlak nan ngaihchiat nak kan in tuarpi hna .Pathian nih nan ngaihchiat nak in hnem ko hna seh .Crd-Ram khar

Jesuh Cu Biak Awk A tlak Mi Bawi A Si.Matthai 2:2 “Judah siangpahrang a si lai ding mi hngakchai a chuakmi cu khua zei ah dah a um? A arfi nichuah lei in a chuah kha kan hmuh i a mah biak awk ah cun a tu hi kan ra,” an ti.

Jesuh a chuah tlawmpal ah nichuah lei in mifim hna an ra. Jerusalem ah an va kawl. Judah siangpahrang a si lai dingmi a si ti kha an theih. An fimnak nih a chimhmi hna arfi an zohnak in Jesuh chuah kha an theih. Amah biak ding ahcun an ra.

Arfi zoh thiam mifim hna hi Pathian sermi thil he bia ai ruah khomi an si. Pathian sermi thil a umtu ning zoh in zeidah a cang ti a thei khomi an si. Minung hi mah bantuk lei ah cun kan santlai lo ngai. Rili chung ah lifakpi ai hnih lai ding hi minung nak in ti ne ah a umm inga nih an theih deuh an ti. Ti ne te ah an um tawnmi kha an umnak ah harnak a chuak lai ti an theih i leng deuh ah an rak chuak. Nga tlai hna sur nih a awh hna. Nga tai an khau ruah a har. Hnu ah cun rili ne ah li ai hnin.

Arfi zoh thiam hna zong hi arfi umtu ning an zohnak in siangpahrang a si lai ding mi a chuak ti kha an hngal. Jerusalem khua ah khan an ra. Judah ram khuapi a si. Siangpahrang umnak a si. Siangpahrang fa cu siangpahrang umnak ah a chuak lai ti cu an ruahning a si. Siangpahrang hna hi an fale sin ah uknak a roh kho tu an si. Siangpahrang David nih a fapa Solomon pennak a roh. Jerusalem mangbawi nih pennak cu a fapa a roh ve lai. A fapa hi Jerusalem ah a chuak lai ti ah an ruah.

Mifim hi zeiruang ah dah an fim? tiah phungthlukbia nih bia halnak a tuah. Amah lila nih a lehmi cu Zeidah ka tuah lai ti kha an hngalh caah an fim a ti. Nichuah lei mi fim hna hi Jesuh, siangpahrang a si lai ding mi kha a chuak ti an theih. Jesuh cu biak awk tlak a si ti zong a thei tu an si. Jesuh biak awk ah Jerusalem ah an ra.

Jesuh hi Pathian fapa siangpahrang a si ti theih le biakawk a si ti hngalh cu fim hrimhrim a si ve ko. Nichuah leimi fim hi an fim ko nain Arfi zoh in thil an theih ko nain Pathian phuannak an rak bau deuh vak. Jerusalem an phak hnu lawng ah Bethlehem ah Judah siangpahrang cu a chuak lai ti hi an theih. Pathian biachungah a ttialmi a si. Profet nih an rak chim chungmi a si. Pathian bia rel, theih le hngalh hi fimnak tling taktak a si.

Nichuahlei mifim arfi nih lam a hruai hna. Arfi an kawl than tik ah Bethlehem caw inncung ah a dir kha an hmuh. Mifim nih an khauruahnak lawng an i rinh i Pathian phuannak kha an zoh lo hi a poi. Pathian phuannak hi Pathian biachung ah a um.

Jesuh cu Judah siangpahrang lawng a si lo. Jesuh cu Bawi a si. Vawlei vialte bawipa a si. Vawlei misual a kan tlanhtu bawipa a si. Biakawk a tlakmi a si. Pathian phunnak Baibal ca rel in a mah cu Bia hna u sih.Bil Hmung

Be the first to comment

Leave a Reply

Your email address will not be published.


*