Thiamsang hna nih chungkhar kong hlethlainak an tuah tikah an hmuhmi cu:

Thiamsang hna nih chungkhar kong hlethlainak an tuah tikah an hmuhmi cu:

Kan fale kan cawnpiak hna ning, kan chimhhrin hna ning le kan tuahto hnaning hi a chia he a ṭha tampi kan nulepa sinin kan i lakmi le kan i cawnmi a si ti a si. Tahchunnak ah nulepa nih ngakchiat tein biathlum in rak chawnhbiak lengmangmi cu fa an ngeih tikah an fale sinah biathlum chim an thiam ve. Rak tukvelh lengmangmi cu fale tukvelh an hmangmi ve i, biafak in rak ti lengmangmi cu fale sinah biafak chim an hmang ve.

Biadang in kan chim sicun kan nulepa hna kha an nulepa nih an ziaza a chia he a ṭha he an rak ronh hna i, kha ziaza kha tampi an i nunpi le kanmah an kan ronh chin ve. Kha ziaza an kan ronhmi kha a chia he a ṭha he tampi kan i nunpi ve i kan fale kan ronh chin ve hna. Kha kan fale kan ronhmi hna ziaza kha an fale an hei ronh chin hna ve te ding a si.

Asinain nulepa cheukhat cu khua an ruat, cawnpiaknak ṭha le ṭha lo, chimhhrinnak ṭha le ṭha lo, bia ṭha le bia chia tibantuk thleidan khawh an i zuam i, an nulepa nih an rak ronhmi hna ziaza chungin a ṭhami an i nunpi le an fale an ronh chin hna. Cun a ṭha lomi ziaza cu anmah in an donghter ko i an fale an ronh chin hna lo. Cucaah anmah cu tukvelh le biafak ti an rak i huah ko nain an fale sinah kha ziaza kha an langhter in an hmang duh lo. An fale cu a himmi le aa nuammi innchungkhar ah an ṭhanter hna. Hibantuk nulepa zia hi nulepa kip nih kan i ngeih dingah a herh tukmi a si.Crd-Roro Fambawl

Be the first to comment

Leave a Reply

Your email address will not be published.


*