Thawngpang tha tuk Si. Kalaymyo Kahdohnak Ah SAC Ralbawi Pakhat Thi, Myinmu Ah Bank Hngak SAC Ralkap Kah An Tong__5 An Thi

Thawngpang tha tuk Si.
Kalaymyo Kahdohnak Ah SAC Ralbawi Pakhat Thi, Myinmu Ah Bank Hngak SAC Ralkap Kah An Tong__5 An Thi

Sagaing ramṭhen, Kalaymyo peng ah SAC ralkap le CDF kar kahdohnak a chuak, cu kahdohnak ah cun SAC ralbawi pakhat a thi tiah CDF-KKG sin in theih a si.

February ni 6, Kalay peng thlanglei ah SAC ralkap nih rallam an sialnak Yankyiaung sakhan le Myauksi palik sakhan in SAC ralkap le pyusawhti 20 hrawng cu hmunhma i thlen ding in Gangaw lei an kal ah CDF-KKG he kaphnih kar kahdohnak a chuak tiah theih a si.

Kaphnih kar kahdohnak a chuah hnu ah Gangaw peng in SAC ralkap le pyusawhti 100 hrawng nih Kabani hleidonh lei in hriamngan le hriamhme hmang in an bawmh hna. Kaphnih i kahdohnak ah SAC ralkap lei Mysuksi sakhan-hmu bohnih Han Htat a thi. CDF-KKG lei hliamhma tuarnak um loin hnu an tolh kho ṭhan tiah Chinland Defense Force – Kalay Kabaw Gangaw nih cathanh an chuah.

Cun, February ni 7, zan suimilam 9:46PM hrawng ah Sagaing ramṭhen Myinmu, Myanmar Economic Bank a hngakmi SAC ralkap hna cu kutcheh bomb hmang in doh an ton caah 5 an thi tiah True Fighter phu sin in theih a si.Khit Thit Media

Adang Relchap Htilin Ah PDF Thawngpang A Thli In Hlathlainak A Tuahtu SAC Ralkap Le Pyusawhti Thah An Tong. Magway ramṭhen, Htilin peng tualchung hriamtlai phu chekhlatnak gate pakhat ah nupi fir bantuk lemcang in a ummi SAC ralkap 2 le pyusawhti nu pakhat cu kan tlaih hna tiah Yaw Revolution Army-Htilin nih an chim.

February ni 7, zinglei suimilam 7:30AM hrawng ah Gangaw battalion 15,16,17(YRA – Htilin) nih chekhlat an tuahnak gate ah ke in a kalmi lunghrinhmi pa 2 le nu pakhat cu hmuh an si caah, biahalnak tuah in chekhlat an si. Pa 2 hi Htilin khuachung ah hrambunh i khuate a khangtu khahlahyiah 55 in SAC ralkap chungtel an si pin ah nu pakhat zong pyusawhti chungtel a si tiah theih a si.

” February ni 7, chekhlat kan tuahnak gate pakhat ah ke in an ra, a hramthawk ah cun nupi ka fir tiah a kan hlen, cu hnu ah thuk deuh in bia kan hal hnu ah Htilin khuachung ah minthang tatmah 55 in ralkap chungtel an si pin ah kan tlaihmi nu zong Htilin khuachung um pyusawhti phu chungtel a si” tiah Yaw Revolution Army-Htilin chungtel pakhat nih a chim.

Tlaih a tong mi 3 cu hmun dang ah kalpi an si hnu ah rawl ei ding pek an si, upadi he aa tlak in hren an si lioah an zaam caah kah an si, an 3 in an thi. An ruak zong ṭha tein an fimhlawmpiak hna tiah theih a si.

Magway ramṭhen Htilin peng cu SAC ralkap nih Martial Law a thanhmi peng 5 chung ah aa tel vemi peng khat a si.Khit Thit Media The Chin Post