Thawngpang tha tuk si.Kalaymyo Ah SAC Ralkap Motor Bomb Puah A Ton Caah Ralkap 3 An Thi

Kalaymyo Ah SAC Ralkap Motor Bomb Puah A Ton Caah Ralkap 3 An Thi

Kalaymyo 9 miles, sehhmuh zone hlei ah SAC ralkap motor cu bomb puahhnawh a ton caah ralkap 3 an thi, tiah tualchung mi hna sinin theih a si.

“Bomb lung hnih a puak i, hriamngan thawng ah kan rel. Minutes 20 hrawng a rauh ah meithal thawng zong a thang. Mi an ṭhin lio ah bomb cu a puak i cuka lei hrawng cu mi chawkvak zong an um lo,” tiah bomb puahnak sang ummi pakhat nih a chim.

Cu bomb puahnak ah SAC ralkap 3 an thi i, hliamhma pumi zong an tam, tiah Operation MoMo phu nih cathanh an chuah. SAC ralkap motor bomb puahhnawh a ton hnu ah ralkap pawl nih Kalaymyo khuachung ah humhimnak an laak, tiah tualchung mi hna nih an chim. The Chin Post

Nizan August 25 Timit Kuang Kahdohnak Ah SAC ralkap 10 Hrawng An Thi

Nizan Timit kuang kahdohnak ah SAC ralkap 10 hrawng an thi i, CDF-Hakha in chungtel pakhat a nunnak a liam ve, tiah CDF chungtel hna sinin theih a si.

“Timit in kehlei kam a sancemnak tlang ah ralhrang an rak kai i 11:00am in kahdohnak ai thawk. Chum a zaam tuk ruangah ralhrang pawl hmuh khawh an si bak lo.

“11:10am hrawngah ralhrang lei RPG kuan cu kan hawile umnak bak ah a tla i, Hakha in kan hawipa pakhat a nunnak liam. 1:30pm tiang ah kahdohnak a dih rih lo.

“Ralhrang pawl nih tlang a sancemnak hmuhma an kan chuh khawh! Ralhrang lei hriamnam i in awk a that ti lo ruangah kan hawile hnu ah an pil. Ralhrang lei in 10 cung cu an thih lai zumh a si. CDF-Hakha in pakhat a nunnak liam i pahnih hliamhma an pu,” CDF-Thantlang chungtel pakhat nih a kan thanh.The Chin Post

Be the first to comment

Leave a Reply

Your email address will not be published.


*