Thawngpang Tha tuk Si. CDF-Kanpetlet Sin Ah SAC Ralkap Pakhat Nih A Hriamthil He CDM A Tuah

Thawngpang Tha tuk  Si. CDF-Kanpetlet Sin Ah SAC Ralkap Pakhat Nih A Hriamthil He CDM A Tuah

Chin ramkulh, Kanpetlet ah SAC ralkap  khahmahyiah-304 kuttang um ralkap Lyin Htat Aung(private number- ṭah-tah(တသ) 127868) nih 2023, January 30 ah CDF-Kanpetlet sin ah a hriamthil he CDM cawlcanghnak a tuah tiah theih a si.

Ralkap Lyin Htat Aung nih aa putmi hriamthil hna cu MA 1 pakhat, MA kuanfang 336, hmanhmi mine lung khat, kutcheh mine lung khat, Enaga lung hnih, walkie talkie pakhat le kuan kham angki zun khat i put in CDM a tuah.

SAC kuttang um palik le ralkap hna nih mizapi lei ah ṭan nan duh a si ahcun CDF-Kanpetlet nih  lunglawm tein kan in don ko hna tiah Chin Defense Force-Kanpetlet nih nihin February ni 12 ah cathanh a chuah.The Chin Post

Myanmar Ram Pumpi Huap Ralzaam Dirhmun Phan Mi Sing 15 Leng An Phan Myanmar ram pumpi huap mah umnak hmun kaltak in ralzaam dirhmun a phanmi hi sing 15 leng an si cang tiah UNOCHA nih cathanh a chuah.

Cu chung ah minung sing 12 hi 2021 February 1 in SAC nih hramhram uknak a laak hnu rambuainak ruang ah mah umnak hmunhma a him ti lo caah a zaammi an si.

Myanmar ram ni chuah thlanglei ah mah umnak hmun kaltak in ralzaam dirhmun a phanmi hi sing 361,000 tiang an karh cang tiah UNOCHA nih cun a langhter.

A luancia zarh chung Myanmar ram nichuah thlanglei ah vanlawng hmang in le hriamngan hmang in SAC ralkap nih kahdohnak fak ngaiin an tuah caah tualchungmi nunnak liam le hliamhma zong an um tiah an langhter chih.

2022, December thla dih thawk in SAC ralkap le KNLA kar kahdohnak a fah caah Karen ramkulh chung humhimnak caah thinphang in an um tiah theih a si.

Kahdohnak ruang ah khua 20 in tualchung mi 17,000 hrawng cu mah umnak hmun kaltak in Thailand-Myanmar ramri ramlak ah an i dor hna.

Ramlak ah aa dormi hna caah eiding, umnak cungcih le sii-ai cu a rannak in bawmhchanh an herh tiah UNOCHA nih a thanhmi ah a langhter chih.Khit Thit Media