Thawngpang tha tuk si.A Hriamthil He Mipi Lei Ah A Lutmi Ralkap CNO/CNDF Nih Sing 100 An Pek.

Thawngpang tha tuk si.A Hriamthil He Mipi Lei Ah A Lutmi Ralkap CNO/CNDF Nih Sing 100 An Pek.Chin ramkulh, Falam peng Falam hrambunh khahlahyiah 268 in ralkap Kaung Moe(private number ṭah-ṭah – 128325 cu SAC kuttang um le rianṭuan a duh ti lo caah mipi leikap ah dir ding in CNO/CNDF sin ah December 26, 2022 ah a hriamthil he a rak lut. Cu ralkap cu  CNO/CNDF nih phaisa laksawng an pek hnu ah a himnak hmun ah an kalter tiah theih a si.

CNO/CNDF  nih cu hlan ah SAC kuttang um ralkap nih a hriamtling he mipi leikap dir ding in a luh tikah an pawcawmnak caah tiin sing 50MMK an rak pek tawn hna.

Atu hnu ah cun SAC kuttang ummi nih hriamtling he mipi lei ah a dirmi hna cu CNO/CNDF nih sing 100MMK pek an si lai tiah CNO/CNDF nih nihin 2023 February 13 ah an thanh.The Chin Post

Pale Peng Khuabawi Zung Hngak Ding SAC Ralkap Bomb Puahhnawh An Tong, 3 An Thi. Sagaing ramṭhen, Pale peng khuabawi zung hngak ding in a chuakmi SAC ralkap hna cu bomb puahhnawh in kahdoh an ton caah SAC ralkap 3 an thi tiah tualchung hriamtlai phu in ṭuanvo ngeitu pakhat nih a chim.

February ni 13, zanlei suimilam 4:00PM ah Pale khuachung khuabawi zung hnulei hngak ding in a chuakmi SAC ralkap hna cu bomb puahhnawh in kahdoh an tong, minung 3 an thih leng ah pakhat nih hliamhma a tuar tiah a chim.

“Nizan February ni 12, ah Salingyi khua in a rak chuakmi SAC ralkap an si. Nihin chun ah Pale an phan, zan ah khuabawi zung ah
ralven ding in an chuah ah bomb kan puahhnawh hna. Nunnak liammi mipi ralkap hna caah thisen leiba lehrulh kan cham a si. A hmun ah minung 3 an thi, pakhat nih hliamhma a tuar” tiah tualchung hriamtlai Daungnat phu in ṭuanvo ngeitu Pee nih a chim.

Nizan, February ni 12 ah Salingyi ah SAC ralkap nih tualchung hriamtlai phu hna cu an kahdoh hna caah PDF chungtel 7 an nunnak a liam, motor 3 an khanghpiak hna tiah theih a si.Khit Thit Media