Thawngpang Tha Si.NUG Le Mandalay PDF Tonnak An Ngei, Tukum Chung Tuahding Kong Ah Fehternak An Tuah

Thawngpang Tha Si.NUG Le Mandalay PDF Tonnak An Ngei, Tukum Chung Tuahding Kong Ah Fehternak An Tuah

2023, kum chung ah tuah timhmi raltuknak kong le zeidang kong he pehtlai in Mandalay PDF le NUG cu January 5 ah ton biaruahnak an ngei tiah theih a si.

NUG le PDF(Mandalay) battalion 1201, 1202, 1203, 1204, 1205 hna cu tonnak kan ngei i, 2023 kum chung ah tuahtimhmi vialte fehternak kan tuah NUG runvennak lei vuanci zung nih cathanh an chuah.

Battalion phu 5 he dirhmi PDF(Mandalay) cu NUG runvennak vuanci zung tang ah ṭha tein dirhmi phu a si i, battalion thar chap ding zong ah timhtuahnak an ngei tiah theih a si.The Chin Post

Duhmi le Herhmi Chungkhar pakhat ah an dawt ngaimi an fanu cu a hungthang I nungak caah a nu sinah hmursensi ka cawkpiak a ti. Anu nih a fanu nih a herhmi a si tiah hmakhat te ah a cawk piak. Ma cucu a fapa nih a hmuh caah anu sinah ka nu hmursensi ka cawk piak ve, ka u zong na cawk piak ve ko a ti. A nu nih pa cu hmursensi thuh phung a si lo, ka fa tiah thate in a chim. Khrihfa mi hi kan herhmi a si maw si lo ti hngal lo in Pathian sin kan hal mi a tam ngaingai. Pathian nih kan herhmi cu a kan pek tawn nain kan duhmi cu a kan pek lo mi tampi a um. Cucaah Pathian nih kan caah a tha bikmi a kan pek zungzal ti hi kan philh lo awk a si. Crd.

Nan fale nih changreu an in hal hna tikah lung a pemi nan um hnga maw? Nga in hal hna seh law, rul nan pe hna hnga maw? Hi tlukin nan ṭhalo ko nain, nanmah hmanh nih nan fale kha thil ṭha pek nan hngalh ahcun, vancung i a ummi nan Pa chinchin nih cun zeitluk in dah thil ṭha cu a halmi kha a pek chinchin hna lai!(Matt. 7:9-11)Mah Zi