Thawngpang tha bak si.Thaton -Bilin Lam SAC Ralkap Leilawng Bomb Puahhnawh In Ralkap 7 An Thi

Thawngpang tha bak si.Thaton -Bilin Lam SAC Ralkap Leilawng Bomb Puahhnawh In Ralkap 7 An Thi

Mon ramkulh, Thaton-Bilin motor lam, Mizaing hlei ah February ni 22 zanlei ah KNLA, PDF nih SAC ralkap leilawng bomb in an puah, tiah theih a si.

Zan suimilam 8:00PM hrawng ah Thaton-Bilin leilawng lam ah a kalmi SAC ralkap leilawng 7 cu KNLA, PDF nih bomb in an puahhnawh hna caah SAC ralkap 7 an thi, 2 hliamhma fak ngai an pu i leilawng pakhat a rawk, tiah theih a si.

“Bilin in Thaton lei a kalmi SAC ralkap leilawng 7 cu ṭangṭi phu hna nih bomb in kan puahhnawh caah leilawng pakhat a rawk,” tiah Thaton pengkomh PDF in ṭuanvo ngeitu nih a chim.

Cu bomb puahhnawhnak ah KNLA Battalion 2, Conpanny 3 le PDF hna i bawm in an puah, tiah theih a si.

Thaton peng le Bilin peng kar ah SAC ralkap leilawng atu le atu kahdoh an tong. February ni 19 lio zong ah SAC ralkap leilawng cu ṭangṭi PDF hna nih bomb in an rak puahhnawh caah ralkap 7 an rak thi cang, tiah theih a si.The Chin Post