Thawngpang Tha Bak si.PDF phu komh nih Homalin peng, Shwe Pyi Aye khua an laak

Thawngpang Tha Bak si.PDF phu komh nih Homalin peng, Shwe Pyi Aye khua an laak

February 2, 2023Sagaing ramthen, Homalin peng, Shwe Pyi Aye khua cu Hkamti pengkomh No.1 battalion- Homalin, HPDF-124, HPDF, HPDF-Moekyoe phu komh in an kah i an laak tiah Homalin People’s Defense Force- HPDF 124 nih ca thanh a chuah mi in theih a si.

February 1 ah kan kah i cu hnu ah Shwe Pyi Aye khua kan laak tiah ca thanh ah an langhter. Than Shwe chan ah General Thar Aye nih Shwe Pyi Aye khua cu a rak tlakter mi hna a si tiah theih a si.

Cu kahdohnak ah cun ralhraang lei an cei caah helicopter in voi thum tiang ralhraang nih an rak kah hna tiah theih a si. Cu ruangah Shwe Pyi Aye khua tel in Homalin kiangkap ah kahdohnak faak a chuak kho i rammi zong ralring tein um kal ding le humhimnak caah ralrinnak ngei ding in rammi rungvengtu phu nih theihternak an tuah.

Cu pin ah ralhraang lei a ttang mi SNA hriamtlai pawl cawlcanghnak zong i ralrin ding in forhfial le theihternak an tuah.

Hmanthlak: Homalin People’s Defense Force – HPDF 124
TheHakhaPost

Harnak le Minung Khuaiseng tlawmpal, savo hmete, thetse tlawmpal, leicet tlawmpal, le thingvu tlawmpal in la cio hna law, mei chungah paih hna hmanh zeitindah an um na hmuh lai. An tonmi mei aa khat dih nain an sining aa dang dih.. khuaiseng cu a ti lai, savo cu a kang lai, thetse cu a ro lai, leicet cu a hak lai, cun thingvu cu a dap in a choi lai.

Cubantuk in harnak le pawngkam thil sining nih a kan hip tikah mi pakhat cu a tha deuh lai, a dang pakhat cu a ṭhawng deuh lai, adang pakhat cu a derthawm deuh lai I a dang pakhat cu a rocar in a uai ko lai. The Vineland Voice. Crd: Roy B. Zuck: The Speaker’s Qoute Book.

Harnak caan ah amah aa bochanmi caah cun Bawipa cu a fekmi himnak a si; Amah nih ka chanh seh, ti a duhmi paoh cu a zohkhenh hna( Nahum 1:7).Mah Azi