Thawngpang a tha chin lengmang ko. Yesagyo Ah SAC Ralkap An Umnak Sakhan Luhhnawh In Kah An Tong, 15 An Thi

Thawngpang a tha chin lengmang ko. Yesagyo Ah SAC Ralkap An Umnak Sakhan Luhhnawh In Kah An Tong, 15 An Thi

Magway ramṭhen, Yesagyo No.4 Hpaungtaw Oo sang ah SAC ralkap nih umhmun an khuarnak sakhan cu luhhnawh in kahdoh an ton caah SAC ralkap 15 nak tlawm lo an thi, hliamhma tuar an tam tiah Myingyan Black Tiger (MBT) in ṭuanvo ngeitu pakhat nih a chim.

February ni 13, zanlei suimilam 5:00PM hrawng ah SAC ralkap minung 20 hrawng nih umhmun an khuarnak sakhan cu tualchung hriamtlai phu hna nih kalhnawh in an kahdoh hna. Cu sakhan cu laak an timh ah SAC lei nih bawmtu thazaang tampi an thlah caah laakhruak in hnu an tolh ṭhan tiah theih a si.

Yesakyo Myomah palik sakhan le zungkip fonh zung ah umhmun khuarmi SAC ralkap nih bawmh ding in an fuh hna. Kahdohnak ah a thimi le hliamhma tuarmi SAC ralkap hna cu Phyusin mibawmchantu phu motor nih voi thum tiang a thiar hna tiah mit hmutu hna nih fehternak he an chim. Tualchung hriamtlai phu lei hliamhma tuarnak um loin hnu an tolh hna tiah theih a si.

“Sakhan kan laak khawhnak ding ah kan kah rih lomi SAC ralkap pakhat lawng a tan hnu ah hnu kan tolh caah kan lung a ṭha lo ngai, kanmah lei cu him tein hnu kan tolh kho” tiah Myingyan Black Tiger (MBT) phu in ṭuanvo ngeitu pakhat nih a chim.

SAC ralkap umnak sakhan cu Myingyan Black Tiger (MBT) le tualchung hriamtlai phu 5 fonh nih kalhnawh in an doh hna tiah theih a si.Khit Thit Media The Chin Post