Chin ramkulh, Matupi peng Zotung ram chungah SAC ralkap he zeitik caan paoh ah kahdohnak a chuak kho, tiah CDF Zotung nih theihternak an tuah.
“Atu tiang cu kahdohnak a chuak rih lo nain January thla dih lai hrawng ahcun kahdohnak a chuak khomi dirhmun kan phan cang,” tiah CDF Zotung in chimpuahnnak nawlngeitu John nih a chim.
Zotung peng Cca Cce Khua cu SAC ralkap nih kahdohnak um loin January 26 zanlei ah vanlawng in an rak kah caah tualchung mi cheukhat hliamhma an pu i inn le cacawnnak sianginn hna zong an rawk ngai, tiah theih a si.
Cca Cce Khuami 300 hrawng cu an khua pawngkam ah ralhrial in an zam i eidin ti le rawl, hruk-aih hnipuan le a dangdang thilri tampi an herh, tiah theih a si.The Chin Post
” Zeidah Na Bochan ?Nangmah le nang mah na bochan ah cun lung rawhnak chung ah na lut ko lai.Na hawikom na bochan ah cun an in thihtak lai, an in kal tak te ko lai. Phaisa na bochan ah cun na ngeih mi phaisa nih an hman te lai.
Minthannak na bochan ah cun mi cheu khat thangchiatnak thlichia nih an phak ko lai. Si hmanhsehlaw Pathian na bochan chung poh cun zeitik hmanh ah na rawk lai lo.A luan cia mi caan ah Pathian vel na rak i bochan, Atu caan ah Pathian dawtnak, cun hmai lei caah Pathian zohkhenhnak kha i bochan ko . (Agustine). Crd: Roy B. Zuck: The Speaker’s Qoute Book.
Minung i bochan nak cun Bawipa i bochan cu a ṭha deuh; Bawi i bochannak cun Pathian i
bochan kha a ṭha deuh . (Ps. 118: 8-9).Crd : Dr.Siang Zi ( Mah Azi ) FB
Leave a Reply