Thantlang sersiamnak caah thilman kaiter lo ding tiah nawlnak ca chuah ding

Thantlang sersiam a si tik ah, Thantlang sersiamtu committee nih tuah hna seh ti ka duhmi pakhat cu thilman konghi a si. Laimi kan zia cu Thantlang sersiam a si ahcun Thantlang peng, Hakha le a peng, Falam le a peng vialte hrawng thilman a kai sual lai ti phan a um.

Thantlang sersiam hi project fate men a si lo tik ah phaisa tampi a dih te lai. Mah tik ah sa man, innsak nak thilri, thilphurh man, minung hlawhfa man, ei le din vialte man a kaite khomi a si. Cu ruangah cun Thantlang sersiamtu committee nih cachuah in nawlnak tuah hna seh law a ttha bik lai ka ti.

Mizoram lei in a rami thil vialte, ei le din, Falam khua le a peng, Hakha khua le a peng, Thantlang peng khuate vialte, le Matupi peng le khuate vialte le Tahan le Kalay tiang in thilman kaiter lo ding in Chin miphun lak ah nawlnak cachuah hna seh law a ttha lai tiah ka ruah. Thilri man kaiter cu chim lo, Thantlang sersiamnak caah thilri le a dang a herhmi vialte cu man tlawm deuh in zuarh si hna seh law tiah nawlnak zong tuah khawh ahcun a ttha tuk hnga ka ti.

Atu lio thilman a fah chinchap he Thantlang sersiam a si tik i thilri man le ei le din le sa man le hlawhfa man vialte a kai chinchap le bang ahcun a poi tuk lai. Chinmi cu mitlawm te kan si pin ah Khrihfa kan si dih ngawt fawn hna i pakhat le pakhat zawn i ruat bu tein kan i bawmh cio hna a hau/kan ttangtti cio hna a hau, kan khua le kan ram sersiamnak caah. Mah cu Pathian duhmi zong a si pin ah kan Bible zong nih a kan cawnpiakmi a si fawn.Crd-Van Tum

Be the first to comment

Leave a Reply

Your email address will not be published.


*