Thantlang peng le Hakha peng kan vanchiat nak pakhat cu PhD le Bible doctor dang le pastor/senior pastor

Thantlang peng le Hakha peng kan vanchiat nak pakhat cu PhD le Bible doctor dang le pastor/senior pastor le evangelist zong tampi kan i neih ko hna nan zeihi dah kan tuah awk a si i zeihi dah

kan tuah lo awk a si i thluachuah hmuhnak ding le Khrihfa nunzia le nunzia dawh le Khrihfa buu nih zeihi dah a tuah awk a si ti pawl hmanh ttha tein kan i cawnpiak khawh rih lomi a si. Mah hi kan vanchiatnak a si. Mah ruangah a ping lo le a pang lo lawngte kan zawh dihnak a si.

Adang relchap:Chin miphun nih kan tthangcho nak dingah le thluachuah kan hmuh deuhnak dingah mah thil pahnih hi tuah hna uh sih ti ka duh.

1. Bible sianginn a kai lomi cu pastor caah lak bak lo ding. Mah konghi tampi ttial ding ka nei nan ka manh deuh tik ah ka ttial te lai ka ti. Nikum le kum hmasa hrawng zongah ka rak ttial cang tlawmpal cu. Bible sianginn kai bak lo i pastor ttuan le ttuan duh zonghi “Prosperity gospel” phunkhat a si ve. Pathian rianthiang upat lo zong a si fawn ka ti. Mah kongah aho hmanh ti hnawhmi ka nei hlei lo. Bible caang chirhchan zong tampi lak khawh a si.

2. A rum deuh le catang nei deuh le a nung kho deuh le cozah rianttha a tlaimi le pastor ti bantuk nih cun fa pa 5 cung nei kho dih uh sih law a ttha tuk hnga ka ti. Cuti ka titik ah sifakmi chungkhar nih fa tlawmte lawng nei hna seh ka ti duhnak si lo. Atu kan sining cu a rum deuh le cozah rianttha a tlaimi le catang sang deuh paoh nih fa tlawmte kan neih hna. Mah hi a ttha lo ka ti. Chin miphun tthangchonak caah le milu karhnak caah dawnkhantu a si ve ka ti.Crd_Van Tum