Thantlang palik sakhan (Police Station) pawng te ahkhin kan rak um i, kan hngakchiat lio ah a chungah khin kan rak tlawngleng tawn. Palik fale he kan ikomh caah, a chungah duhtawk in lente kan rak i celh tawn.
A sakhan hmunhma, tlangbo cung i a um dan le khur an cawhmi pawl, thonginn an sakmi le duty an hngahnak hna khi a safe, a tha taktak. Cu hnu ah an remh chap i, inn thatha tam ngai an chap. Fawi bai in luh hnawh khawh ding khi asilo. Uknak an lak hnu in an remh chinchin i, an ikulhkhenh dan hrimhrim a thatuk. Ngiat len zongah an lang lo, a langmi hnihkhat cu kan ralkap sniper nih an hrilh lengmang hna. Nikum ka tlun ah Van Thio inn (Bangla) tiang ka va phan i, a chunglei khi an cawlcangh Scope in bih len zongah hmuh khawh an silo. A thlite in kan ralkap an vun kah tawn hna i, hliamhma tuar le nunnak a liammi an tlawmlo.
Zahan ah kan Miphun pasaltha hna nih an va lak khawh cu upat lo awk an thalo. An va luh hnawh ngammi hna hrim khi, minung sawhsawh ruahnak nih a phan kholo. Kum 1 le cheu leng mitchung i hnawmbang ai tap pengmi, an thur hlo khi asi.
Nikum in khan kan ralkap hna nih drone in an ngiat, bomb an thlak lengmang. Drone khamnak jammer an hman caah kan drone zong tam lak a rak rawk. Tutan i Thantlang Operation an thawk in Ni 40 chung drone in bomb ceilak an thlak caah an inncungcih le an duty points vialte a tet, an boh dih. Lengah an chuak ngamlo, vanlawng le helicopter voi tam ial an hman. Sihmanh sehlaw, kan ralkap pawl an lung a thawng chinchin, lam phunphun an kawl. Zahan cu nunnak thap bakin an va luh hnawh hna ti theih khawh asi. An thio dih hna lawng siloin, hriamnam zong tampi an lak chih fawn. Ramchung ramleng lawmhnak he kan khat.
Cu lio i, kan miphun le kan ram caah nunnak a pemi kan ralkap Lieutenant Aa Thang (Salai Khup Hlei Thang) upatnak kan pek. 2021 December 9 ah a facebook cahmai i ca a rak tial takmi hmuh ko ah lungthin a tawngh. “ Thisen tampi luan hnu lawngah kan ram ai thlen ding asi ahcun, ka thisen luang ve cang ko seh” tiin a rak tial. Atu le tu ka rel, ka mitthli a tla, celh asi lo. Kan miphun tuanbia ah a hmun zungzal dingmi le philh awk a tha tilo dingmi robia asi. A nunnak liam ko hmanh sehlaw, a thisen nunnak a peknak le, a robia hi a nung camcin lai.
Ralhrang rual a va fimhlawmtu kan pasal tha hna upatnak kan in pek hna. Bawipa nih damnak le thawnnak in pe chin ko hna seh.
Teinak nikhat hnu nikhat an kan hmuhpi cuahmah. Zum ko hna usih;Bochan ko hna usih;Tanpi chin ko hna usih.Crd.Ram Tinthei
Thawngpang Ṭha Robert De Vincenzo cu Argentine Kohti tuk a thiammi min thang a si, voikhat cu teinak a hmuh I laksawng a lak hnu ah club inn chungah a lut I inn lei lawi ding in a thil a tim. Caan tlawmpal ah a motor lei ah a kal cu lio ah minu nih a rak naih. Teinak a hmuh caah a lawmhnak bia a chim cun ka fate cu a tu hi a zaw I a thi dengmang.
Sizung man pek awk ka ngei lo zeiti tuahnak ka hngal lo a ti. De Vincezo nih minu bia a theih tikah a zaang a fak I ballpen a chuah I minsen a thut piak laksawng a hmuh mi minu cu a pek. “Na fate caah cun va hmang law,”a ti. A hmaizarh ah club pakhat ah chuncaw a ei lio ah Kohti bu i ṭuanvo ngeitu pakhat a ra I, “Tlangval pawl nih an ka chimhmi a um, kan hnu zarh ah motor dirnak pawng ah minu nih a rak in ton an ti.
”De Vincenzo nih a hun zoh. Mipa nih a peh rih mi cu, “Thawngpang kan chim hmanh lai, mah minu kha va zong a ngei lo, fa zong a ngei lo mi a si, a rak in hlen mi a si ka kawi,”a ti. De Vincenzo nih cun, “A sicun ngakchia a thi deng mi a um lo tinak maw? A ti. Mipa nih, “Aw si,”a ti. De Vincenzo nih, “Tu zarh chung I ka theihmi thawngpang vialte lak ah a ṭha bik a si,” a ti. Crd: Chicken Soup for The Soul.
Miṭha nih an hmuhmi laksawng cu nunnak a si, sihmanhsehlaw sualnak nih cun sualnak lawng
a chuahpi lengmang(Phungt. 10: 16).Mah Azi
Leave a Reply