Thantlang Palik Sakhan A Dohtu Chin Ralkap Hna Cung Ah Caan Karlak President Nih Lawmhpinak A Chim

Thantlang Palik Sakhan A Dohtu Chin Ralkap Hna Cung Ah Caan Karlak President Nih Lawmhpinak A Chim

SAC ralkap le palik nih umhmun an khuarnak Thantlang palik sakhan a doh i a latu CNF/CNA le CDF hna cu ka lawmhpi hna tiah NUG caan karlak president Duwa Lashi La nih a chim.

Nihin February ni 14 ah tuahmi cozah rianṭuantu hna tonbiaruahnak ah caan karlak president nih Chin ralkap nih teinak an hmuhnak kong a chimchih.

February thla chung ah Chin ralkap nih Thantlang palik sakhan le GAD zung cu an laak khawh leng ah SAC ralkap 45 nak tlawm lo an thi, hriamthil phuntling 50 leng an laak khawh. Cu pin ah SAC ralkap le palik zong an tlaih khawh hna tiah a chim.

“Chin ramkulh ah SAC ralkap vawlei lei dohnak cu an thazaang a ṭhawng, Chin ramkulh ah mipi nih an i bochanmi le hngatchanmi Chin hriamtlai phu hna cawlcanghnak cu upat awk an tlak” tiah NUG caan karlak president Duwa Lashi La nih a chim.

“Mipi hruaitu hna nih fim sawhsawh men a za lo, ramkhel lei ah theihkauhnak le hriamtlaih in dohthlennak a tuahtu hna caah hruaithiam khawhnak tiang fimnak le theihhngalh kauhnak a ngeimi si a herh. Cu lawng ah ramkhel lei hruainak ah a ṭhawngmi a si kho lai” tiah a chim.

Khuapau dohthlennak kum 3 chung kan luh cang caah, a fiangmi ramkhel lei a phichuak kan hmuh khawhnak ding ah i zuam a herh tiah a chim fawn.People’sSpring The Chin Post

Nunnak Lawng(Lifeboats) Mrs. Albert Calwell cu Southampton ah a rak ra i, tilawng hrennak atlaitu sinah “Hi lawng hi a pil kho tak lai lo maw?” a ti. “ Upatmi nu, Pathian hmanh nih a tla kho lai lo,”a ti. Sihmanhsehlaw April 15, 1912 zan lei sang in England in New York khuapi lei kal aa thawh.

Meng 1600 Atlantic I a lai fang a phak tikah tikhaltlang aa pah I Titanic tilawng pi cu a rawk I a pil diam ko. Titanic tibaw hi minung lei thawnnak a langhtertu a si. Apil kho lai lo tiah an ruahmi picu a pil ko. Minung 2200 leng chungah nu le ngakchia 700 fai nunnak lawngfate in(lifeboats) an khamh manh hna. A tlawmbik 1500 cu an thi. Kan vawlei pi hi a rawk kho lai lo tiah kan ruah awk a si lo.

Zoh hmanh kan vawlei hi Titanic tilawng Rili pi ah a pil bantuk in a pil cuahmah ko, Rai, Ral, Kokek harnak phunphun kar ah lungrethei in a kan thui a kan hninh saih. Jesuh Khrih nunnak lawng chungah kan fale kan dawtmi hna he kan luh zokzok hna aherh hringhran.Crd:

Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo. (John 14:6)Mah Azi