Thantlang hngaktu CDF le CNA pawl hi ka khuaruah bak an har

Thantlang hngaktu CDF le CNA pawl hi ka khuaruah bak an har an ral atthatning le an Smart ning , hitluk Bomb in voi tamtuk athlak hna , tangleiin an kah rih hna.. an zam zong an zam loh , PATHIAN an i bochannak le Ram caah tiin an ruah ah an nunnak pakhat te an ngeihchun pek an siannak hi kan Upattuk hringhran hna.. Training ttha tein achuak mi ramdang ralkap Special force pawl hmanh nih an tluk lem hna lai ka zum loh. Meithal ttha le Kuankham kho Uniform i ngeih hna sehlaw zeitluk khin dek an tthawn hnga mu….Crd.Hniang Tha Ceu

Waw Khua Le Tawpu Khua Ah Pyusawhti Le Palik Kah An Ton Caah 4 An Thi Bago ramṭhen, Waw khua nichuahlei Hpayapyu lam ah February ni 26 zan suimilam 8:20PM ah palik, inn hra uktu le inn za uktu hna cu PDF nih an kah hna caah 2 an thi, 3 hliamhma fak ngai an pu, tiah theih a si.

“Waw khua nichuah Hpayapyu lam, zan suimilam 8:20PM ah palik telh in inn hra uktu le inn za uktu sangbawi 5 kah an ton caah 2 an thi,” tiah tualchung mi pakhat nih a chim.

Cu pin ah Sagaing ramṭhen, Monywa peng Tawpu khua ah facang a ṭuan liomi le mepe a ṭuan liomi pyusawhti 10 hrawng cu February ni 25 zing suimilam 10:00AM tluk ah bomb in kan puahhnawh hna i pyusawhti 2 an thi, tiah Brave Heart Army – BHA in ṭuanvo ngeitu nih a chim.

“Pyusawhti nih khuami an facang, anhringso le pe phunphun an laakpiak hna lioah Brave Heart Army-BHA | Special Forces-11PDF | Bandula Force le Monywa -Special Deik Deik Kye hna i bawm in an puahhnawh hna, tiah theih a si.

A luancia February ni 23 lio zong ah Tawpu khua ah umhmun a khuarmi SAC ralkap pawl cu Brave Heart Army-BHA nih hriamngan in an rak kah bal cang hna.The Chin Post